Shillong Nailur 19: Ka Indian Institute of Management,(IIM) Shillong ka la pynlong mynta ka sngi ia ka jingiatyrko halor ka phang kumno ban hikai ki samla ba kin long kiba lah ban ieng ha la ki jong ki kjat, ym ban shaniah ha kiwei.
Haba jingkren plie ia kane ka jingiakren u Director jong ka IIM Shillong, Dr Amitabha De u la ban jur ia kawei ka phang bad kata ka long ban pynheh pynsan ia ki samla ba kin long ki nongpynmih kam ym ba kin long ki nongwad kam.
Kane ka jingialang kaba juh long man u snem ia kaba la pynlong da ka IIM Shillong ka long ban hikai kumno ki briew kin sngewthuh ia ka ioh ka kot bad ha ka juh ka por kumno ban pynneh pynsah ia ka mei mariang.
Kane ka jingiakren ka long kumno ban hikai ia ki paidbah ban noh syniang lang ha ka wanrah ia ki lad kamai kiba neh bad bun na ki nongkren ki la ong ba dei ban hikai kumno ban poi sha ka thong.(SP News)
