Shillong, Lber 30: Ka KSU jong ki lai unit kata ka Mynriang Unit Nonghali Unit bad Diengpasoh Unit men ha ka 29 tarik u Lber 2023 . Ha ryngkat ki Seng long kmie na Ka shnong Diengpasoh bad ka jing Synran lang ki Nongkit kam Jong ka KSU Mawryngkneng Circle.
Ki la leit hiar ban jurip ia ka PHC Diengpasoh ha dien ba ngi la ioh ia ka jing ud jing nam ki paitbah ka dong ka thain ia ka jing bym trei kam bha kane ka PHC. Ha kane ka Sngi ka Seng ka la ioh ban ia kynduh ia ki Nongtrei jong kane ka PHC.
Bad ngi la lap ia shibun ki jing duna ha poh kane ka PHC Diengpasoh ngi la ioh ban ia mir jing mut ha ryngkat ki staff bad ki la pyn paw ia ki jing eh ha lor ka jing bym biang kane ka PHC naduh ka jing duna ki Doctor ki staffs ka jing bym don ka kali Ambulance kit nongpang ka jing bym biang ka building ha ka ba ki hap pyndonkam ia ka juh ka kamra ban shong ki staffs bad ki Nongpang.
Ka Seng ka la lap ruh ba kane ka PHC Diengpasoh ka la lap ba wat ka kali Ambulance ruh kim don kat ba u Driver ki don bad kat kum ka jing ia thuh ki Nongtrei la ong ba ki shu pyn donkam da ka kali Auto ha duh mynta ki shu shim wai bad ka Sorkar hi ka siew bai wai ia kane ka kali.
Kum ka Seng ngi pynpaw ka jing sngew lynngoh ha ba ngi tip ia kane kat ka PHC kam don ka Ambulance ka shu wai tang da kali private ka Seng ka la buh jing kylli ruh mano ban bah khlieh lada jia ei ei na ka bynta kito ki nongpang ba phah kit da kane ka kali khamtam ia ki long kmie ba armet. Ka Seng ka kyntu ruh ia ki Nongtrei naduh ki doctors ki staff ba kin shim khia ia ka kam.
Haoid kum ka Seng ngim ong ba bym biang ki Nongtrei hynrei ngi kyntu ba dei ban ai jing shakri ka ba biang na ka bynta ki jing donkam ki paitbah. Namar kumba ngi tip ia kane ka PHC Diengpasoh ka kynthup ia shibun ki Shnong ki ba don ha kine ki Area kata maduh Siejiong haduh Mynriang bad ki wei de ki Shnong.
Ka Seng ka kyntu ruh ia baroh ki paitbah lada phi lap kino kino ki jing eh wan ban ia kynduh bad ngi bad ngi ai ruh ia ka jing ia trei lang bad kane ka PHC khnang ba da ka jing ia trei lang ngin lah ban kyntiew shuh shuh ia kane ka PHC.
Na ka liang ka Seng kum ba ngi la ia kren mynnin ba kam dei ba ka Seng ka wan tuklar ia ka kam jong no re jongno ne wohdong iano re iano hangne ha PHC hynrei ka jing leit jurip ka Seng kan long ba ngin lap ia ka jing Shisha bad ban ia Sngewthuh ia ki jing eh ki Nongtrei hapoh kane ka PHC.
Da shisha ka Seng la la lap da ka jing phla hi ki Nongtrei ia ki jing duna ki ba bun ki ba don ha poh kane ka PHC kumba nga la kdew sha neng.Kumta ka Seng Lyngba kane ka Kyrwoh ka phah sha phi ki Bor ba halor ne ka Sorkar ba sngewbha phai khmat lem ia ki jing donkam kane ka PHC.
Na duh ki Nongmih khmat MDC/MLA sngewbha ai lem ka kti ka mon ka kti ka diang ban kyntiew ia kane ka PHC. Kam dei shuh ka Sien ba nyngkong ia ka Seng ban ia kynduh bad jurip ia kane ka PHC hynrei la bun sien bunsien.
Kumta kum ka Seng ngim kwah shu ban dang ioh sngew ia ki complain na ki Paitbah ha lor kane ne nang ne sha khmat hynrei ngi kyntu ia baroh ki Nongtrei ba ngin nang ia trei shitom bad ia treilang bad ngi kum ka Seng. Ka Seng shen ka sah buddien bad ia kynduh ia ki bor ba halor ban pyn sngew ia kine ki jing eh ki ba don ha poh kane ka PHC Diengpasoh.
Kyntang ia wai ka Seng ka Seng ka sngew ban ai khublei kyrpang ia ki dkhot ka Seng Long kmie na Poh Diengpasoh ki ba la synrang lang kumjuh ka Seng ka Seng ban ai khublei ruh ia ki Nongialam ka Mawryngkneng circle ki ba ju don ryngkat ha man kino kino ki jing donkam.
Ka Seng ai khublei ruh ia ki para dkhot jong ki lai unit ki ba la pyllait ia ka por ba kordor ban leit jurip ia kane ka PHC khnang ba ngin lap ia ka jing shisha. Khaduh eh ka Seng ka ai khublei ruh ia ki paitbah jong ka thain ki ba ju kyrshan ia ngi na ka por sha ka por bad ki khmih lynti ba nangne sha khmat kane ka PHC kan bit kan biang.
kum ba long lem ki wei ki PHC ki ba don ha poh ka Jylla Jong ngi da ka jing ia treilang ki paitbah khamtam ki Nongtrei hangne kumjuh ruh ki bor ba dei peit Jong ka Koit ka Khiah. Kane ka long kat kum ka kyrwoh khubor ba la phah da u Samla J. J. Lyngkhoi u General Secretary KSU Mynriang Unit.
