Shillong, Jymmang 27: Ka jingialang ba ar jong ka G20 Anti-corruption Working Group kaba la pliepaidbah ha ka 25 tarik u Jymmang da u Myntri Khynnah ka Sorkar Pdeng ba dei khmih ia ka tnat iada ri bad kam jngohkai, u Ajay Bhatt, ka la poi sha kaba kut mynta ka sngi ha Rishikesh.
Ha kane ka jingialang la wan iashim bynta da 90 ngut ki delegate na 20 tylli ki ri ba long dkhot, 10 tylli ki ri ba khot sngewbha bad 9 tylli ki kynhun jong ki ri kiba kynthup ia ka UNODC, OECD, Egmont Group, INTERPOL bad IMF.
La pyniaid ia kane ka jingialang da u Rahul Singh, Additional Secretary, DoPT& Chair, G20 ACWG bad la pyniaid lang da uGiovanni TartagliaPolcini, khliehduh ka Task Force, Co-chair, G20 ACWG, Italy bad u FabrizioMarcelli, Myntri Plenipotentiary, ka tnat Foreign Affairs bad International Cooperation, Italy.
Ha kine ki lai sngi, ki la don ki jingiamir jingmut halor ki kam kiba iadei bad ka jingioh biang ia ki jingdon jingem, kito kiba rieh na ka ain namar ki kam thok pisa, ki lad iatreilang ban iasam jingtip, ki rukom treikam ban ialah pyrshah ia ka jingbam sap bad ka jingiarap lang ha ki kam ain, ha ryngkat kiwei kiwei.
Kiba wan sha ka jingialang kila iamynjur lang halor ki lai tylli ki High Level Principle ban ‘kyntiew ia ki kynhun ba peit ia ki kam paidbahbad ki bor kiba tehlakam bad ialeh pyrshah ia ki kam bam sap.
Ka jingpynkhlain ia ka jingpyntreikam ia ka ain kaba iadei bad ka jingiatreilang hapdeng ki ri bad ka jingiasam jingtip ban ialeh pyrshah ia ki kam bam sap’ bad ‘ka jingpynkhlain ia ka rukom ioh biang ia ki jingdon jingem ha kaba iadei bad ki kam bam sap’.
Ha ka sngi ba nyngkong jong ka ACWG, la pynlong ruh ia ka prokram halor ‘Ka jinglong shynrang bad kynthei bad ki kam bam sap’. Ka Myntri Khynnah ba dei khmih ia ka tnat External Affairs bad Culture, kaMeenakshiLekhika la ai ia ka jingkren.
Ha kane ka prokram, ki riewshemphang na India bad nabar ri ki la iamir jingmut halor ki bynta bapher bapher jong ka jingbam sap, ha kaba ka jingpynkupbor ia ki longkmie ka iadon ka jingiadei kaba jan bha bad ki sienjam pyrshah ki kam bam sap bad ruh ka jingdonkam ban peit ia ka jinglong shynrang lane kynthei ha kaba iadei bad ka jingai jingshakri ka Sorkar ne ka jingthaw ia ki polisi.
Ki delegate ki la iohiia ka deiriti, ka hiar pateng bad ki rukom bam jong ka India ha ka por ba ki sah ha Rishikesh. Ka India ka khmih lynti ban pdiang biang ia ki delegate ha Kolkata naduh ka 9 haduh 11 tarik u Nailar na ka bynta ka jingialang ACWG ba lai. Ka India kan pynlong ruh ia ka jingialang ki Myntri halor ki kam pyrshah ka jingbam sap ban pyntyllun kham sted ia ka agenda jong ka G20 ban kyntiew ia ka jingiakhun ki ri pyrshah ia ki kam bam sap.
