Shillong, Jymmang 29: Mynta ka sngi ka party HSPDP kala khot ia ka jingialang ha Shillong Club ban ia kren ia kawei ka bynta kaba ka party kala buh haka kular elekshon kaba ia dei bad ka bhah kam bhah jam ha ka jylla Meghalaya bad kum ka party kan sa iakren bad ka kynhun MDA-2.
Haba kren ha ki lat pathai khubor ha dein ba la wad ia ka jingialang jong ka party la ong ba haba nyngkong eh ba ym lah ban ba kane ka phang bhah kam bhah jam kala dei kawei na ka ka mat treikam jong ka party ha kaba ia dei “Reservation Policy”.
Ha ka kular elekshon la kren shai ba lada ki paidbah ki ai ka jingkyrshan kaba biang, yn pyrshang ban pynbha shuh shuh ia ka polisi bhah kam bhah jam kaba ngi don mynta na ka bynta ka jingmyntoi ki samala ka jylla.
Halor kane ka Reservation Policy namar ka party HSPDP kala dei kawei na ki dkhot jong ka sorkar MDA-2, namar kata kum ka party kaba don ha ka sorkar ngin rah bad kin kren bad ban ia tei kham bha shuh shuh ryngkat bad ka MDA.
Ka jingiakren la kan long ha ka Co-Ordination Committee ne kano kano ka jignialang kaba ka MDA-2 kaba ki dkhot baroh ki ia don lang bad kum ka party ka kyntu ia u myntri rangbah ka jylla ba un plie ia ka lynti ban iakren ia kane ka kam kane kaba kum ka party kila ia kren.
Bah Shangkliar Warjri myntri ka sorkar na ka party HSPSP la ong ba yn sa rah ia kaei kaba ka party ka iakren mynta ka sngi sha ka sorkar ba ngin buh ia ka jingkyrpad banbuh ia kano kano ka kin don ki riew shemphang ban ia kren iakane ka phang.
U MDC jong ka party u bah Martle N Mukhim la ong ba kum ka party kim ong katno, ka jingmut ka long ba kane ka Reservation Policy kaba mynta ka don ka jingduna kum ka party kala kren bha ia kane ka phang haba don ha ka sorkar kan wat ia kaba bha tam ban pynbeit ia ka Reservation Policy.
