Shillong, Jylliew 08: Mynta ka sngi u Lamphang ka iing dorkar thawain ka jylla u Thomas M Sangma u la pyntip ba la ai k jingithuh ia u bah Ronnie V Lyngdoh na ka seng Congress kum u nongialam ka liang pyrshah hapoh ka iing dorbar thawain ka jylla bad ia ka jingpynbna la pynmih mynta ka sngi.
Ha kane ka juh ka sngi la pynmih ruh ia ka jingpynbna ba la ithuh ia u Saleng A Sangma MLA jong ka seng Congress kum u nongbat shabuk ka liang pyrshh hapoh ka iing dorbar thawain ka jylla.
Ka jingdon ki MLA ha ka liang pyrshah hapoh ka iing dorbar thawain ka jylla ki don 14 ngut, san ngut na ka Congress, san ngut na ka TMC bad saw ngut na ka VPP, da kane ka jingithuh ia unongialam ka liang pyrshah bad ia nongbat shabuk ka liang pyrshah ia ki kam hapoh ka iing dorbar thawain la pyndap katkum ka jingdon kam.
