Shillong, Nailur 28: Ka tand shipai suin jong ka Eastern Air Command, Air Force Upper 
Shillong da ka jingiatreilang bad ka “ROKO Cancer” kaba dei ka seng trei man sngewbha ka la pynlong ia ka jingjurip ei ia ki paidbah ha shnong Pomlum ha kaba ia dei bad ka jingpang bampong.
Ia kane ka jingjurip ia ki briew ban tip la ki don ne em ia kane ka jingpang la leh da ka seng ki long kmie jong ki shipai suin ka “Wives of Air Force Personnel bad ki long kmie kiba dei na ki riew paidbah. Kane ka jingleh jong ki shipai suin ka long ban hikai ia ki paidbah ka jingiada ka kham bha ban ia ka jingsumar.
Ha kane ka sngi ki Doctors bad ki nongai dawai na ka kynhun shipai jong ka Eastern Air Command ki la hikai ia ki paidbah jong ka shnong Pomlum ba ka jingpang bampong ka dei na ka jingbam duna bad dih sikret. Ha kane ka sngi palat 200 ngut ki long kmie ki la ia poi ban phah jurip ei ha kane ka kynhun shipai.(SP News)
