Shillong, Naitung 13: Mynta ka sngi ka seng samla pule ka KSU n South West Khasi Hills District hapoh ka jingialam jong u President u samla Forwardman Nongrem bad u samla John F Nognlang President KSU West Khasi Hills District kila la leit ban ia kynduh ia u myntri kam bording ka jylla u Abu Taher Mondal ban kyntu ba dei ban pynkloi ka jingtei pynmih bording eletrik na Wah Kynshi.
Ha kane ka jingiakynduh kila ai da ka jignthoh sha u myntri, ha kaba ka KSU kala kren shai ban pynkloi ia ka jingpyntrei ia ka jaka pynmih bor ding eletrik na ka wah kynshi kaba la sah teng mynta.
Ka seng KSU bad ki trai jaka kiba hap hapoh ka tei ka jaka pynmih bor ding kida pynpaw ia ka jingsngewdiaw halor kane ka jingduna bor ding ha ka jylla, khamtam ka jingot ia ka bording sha ki nongkyndong kala long palat bad kala ktah shibun namar ka jingot ia ka light ka long haduh 10 kynta shisngi.
Na ka liang jong ka KSU kala kdew ba mynshuwa kala don ka jignthmu ban shna ia ka jaka pynmih bording elektrik na ka wah Kynshi kaba la kot sha ka 450 MW khnang ba ka MeECL kan lah ban pynioh ia ka bording sha ki paidbah khlem don ka jignthud.
Na ka liang ka KSU bad ki trai jaka ki kyntu ia ka sorkar jylla ban pynkloi noh ban pyntrei ia kane ka jaka pynmih bording eleltrik ban pynliat ia ka jylla na ka jingeh ban pynmih ia ka bording eleltrik ha ki paidbah.
