Jowai, Nailur 30: Ka Jaintia Students Union (JSU) Seng kmie haka jingpullait khubormyntaq ka sngi lyngba u Finance Secretary ka pynpaw iaka jingpynrewm jur iaka jingthwet kulmar ki pulit iaki katto katne ngut ki member jong ka Union khlem da lah ban pyntikna na kano ka daw.
Kane ka jingleh bor jongki pulit ym tang ba ka pynthud ia kiba ha Ing ha sem jongki member ba shah thwet khamtam eh ba ki wan haka por mynmiet bad por shiteng synnia, kumjuh ka ka long ruh kaba I thamula bad ka bym lah satia ban pdiang namar kane ka jingthwet jongki pulitka long hi thik la kum iaki ki nongpymiap briew lane ki nongtuh nonglute, bad kine ki member ki khlem leh hi ruh iaka ki kam Beain kaba long pyrshah ia ka mon jongu paidbah.
Kumta na ka liang U Finance Secretary jongka JSU u la kren shai ba ka tnad pulit da dei ban pyrkhat arsien arwat ha shwa ban leit kynra iaki Iing ki sem jongki Member jongka Union ioh kan kylla pynban kum ka jingaiding khamtam ha kum kine ki por jongka jingialeh naka byntaka iap ka im jong kaq Ri bad ka Jaitbynriew. Kumta ka Seng hi ka pynrem jur ia kane ka jingleh thurmur ki Pulit bad la dawa ban sa ngeh noh shi syndon ban thwet iaki member jongka Union lym kumta ka Union kan pynkhrat da kum wei pat ha kaba ka jingkit khlieh kan leit beitsgha ka sorka bad sha ka tnad pulit.pynkut ka kyrwot na une u nongialam jongka seng.
Ha ka juh ka porn a ka liang ka JSU ka pynpaw iaka jingsngewnguh ia baroh ki pari ba ieid jongka Ri lum Jaintia kiba la ai iaka jingkynshan pura ia kane ka jingiakhih jong shiphew tylli tam kiSengbhalang hapoh ka jylla jongngi na ka bynta ka lawei ba phyrnai jongka jait bynriew jongngi. Ai ba kane ka mynsien ia treilang ban ia tylli lang kawei kan neh haka jaitbynriew jongngi ha kine ki por ban dang wan khlem shah pynbeit ha kino kino ki khwan myntoi shimet, lane ki Ingkhong Shyllang mat pnah thylliej khnang ba ngi ioh iia u soh jongka jingjop.(SP News)
