Shillong, Risaw 09: Ka seng BJP jong ka jylla Meghalaya ka pdiang sngewbha ia ka rai jong ki seng bhalang ban sangeh shuwa ia ki jingiakhih ki jong ki naduh ka 10 tarik haduh ka 16 tarik mynta u bnai kum ka jingburom ia ka jingleh niam Durga Puja.
Ha ka juh ka por na ka liang jong ka BJP ka dawa na ka sorkar ba ka dei ban kham pyrkhing ia ka jingbuh ia ki bor pahara ban peit ba ki nongshim kabu ban pynkulmar ha kum kane ka por leh kmen ba kin nym ioh lad.
Ha ka juh ka por na ka liang jong ka BJP ka ai khublei kyrpang ia ki paidbah jong kane ka jylla ba ai kane ka jingleh niam kan wanrah ia ka jingsuk jingsain ha kane ka jylla bad ka kyrmen ba ia kane ka leh niam Durga Puja kan long kaba iaid beit iaid ryntih.(SP News)
