Shillong, Naiwieng 17: KA seng Hynniewtrep Achik National ka ai ka jingkhublei ia ka tnad kampohing ka sorkar pdeng ia ki paidbah bad ki rangbah Shnong bad kwei kiwei de ki kynhun seng bhalang kiba la ai ka jingkyrshan ia ka seng ha kaba ki pynlong ia ka jingiakhih shong kyllain mungor ha Jantar Mantar.
Kane ka jingiakhih kaba kila pynlong ha ka 3/11/2023 ha nongbah Delhi ka long ban dawa na ka sorkar pdeng ban dawa ban pyntrei kam ia ka ILP ha kane ka jylla bad ban pynrung ia ka ktien khasi hapoh ka khynrngiet kaba phra ka riti synshar ka Ri India bad ban pynbeit ia ka pud ka sam bad ka jylla Assam.
Haba kren ha ki lat pathai khubor u president u bah Lamphrang Kharbani u la pynpaw ba kane ka jingleit jong ki ban pynlongia ka jingiakhih sha nongbah Delhi ka long kum shibynta ban pyn kynmaw sha ka Sorkar pdeng ba shim khia ia ki jingdawa jong u paidbah bad kumjuh ruh ban bud dien ia ka rai ba la pdiang da ka sorkarj ylla ha ka ban pynlong ain ia ka ILP bad ban kynthup ia ka Ktien Khasi ha ka khyrngit kaba phra jong ka riti synshar ka ri India.
Na ka liang ka seng HANM ka la buh ruh ia ka jingkyrpad ia Ki MP jong ka jylla ba ma ki ruh ki dei ban ia kren ha poh ka Parliament ia kine ki mat jingdawa.
U la bynrap ruh bana ka liang ka seng HANM kin sa leit ban iakynduh ia u mytri rangbah ka jylla Assam u Himanta Biswa Sarma bad ia u MP na Arunachal Pradesh U Kirran Rejiju ba kin kren hapoh ka Parliament ia kitei ki mat jingdawa jong ka Jylla.
Ula bynrap ruh ba ka seng kan pyndep ia la ka jong ka bynta ha ka ban pynsngew sha ka sorkar pdeng bad mynta ka shong saha ka sorkar jylla ba kan iai ban ia ka sorkar pdeng ba ka dei ban pynurlong noh ia ki jingdawa ki ba dang sahteng.
