Shillong, Jymmang 29: Ki nongialam ka langpih sector hynne ka sngi ki la leitbuh da ka jingthoh ha u bah Paul Lyngdoh halor ka kam iakren ia pynbeit put hapdeng ka jylla Meghalaya bad Assam.
U bah P K Pangniang haba iakren bad ki nongthoh khubor u la ong ba kane ka jingleit ban buh jingthoh bad ban iakynduh ia u bah Paul Lyngdoh u ba long u Chairman ka commitee ka dei ban buddien ia ka jingiaid jong ka jingiakren
U la ong ba kane ka rai ban jingphah ia ka jingthoh ha u bah Paul Lyngdoh bad u myntri rangbah ka sorkar jylla ka dei ka rai kaba mih na ka jingialang ka ba la long mynha ka 19 tarik April kaba la iadonlang ki nongialam shnong, ki sordar shnong kumjuh ki nongialam ki seng sain pyrthei ba pher ba pher.
U bah pangniang u la ong ba ka langpih sector ka dei ka ba long huri hura bad kaba don ha ka jingeh kaba khraw bha kaba don ruh ki jingjia ba sngewsih ruh.
U la ong ba kumba ki Chief Minister ka Meghalaya bad Assam ki la dep ban iakynduh ha ka 11 November 2022 da kaba ki la rai ban shim ka sienjam ba 2nd phase kan dei ka langpih sector, watla ka kham kyllaiñ, hynrei ka langpih kan dei ka mat ka ba ha khmat eh.
U la pynpaw ka jingsngewnguh kaba ba ki arngut ki Chief Minister ki la shimkhia ia ka ban wan ban sakhi dala ki jong ki khmat ia ka jinglong jingman ha Langpih sector. Halor kane na ka liang u bah Paul Lyngdoh u la ong ba ka jingiakren ka la dep kaba sah ka long sa tang ban leit jurip ia ki jaka ha langpih.
