New Delhi, Jymmang 09: Ka President jong ka Ri India, DroupadiMurmu ka la ai khusnam Padma Shri ia i kongSilbiPassah ha ka thupSaindur na Meghalaya ha ka Civil Investiture Ceremony kaba la long ha New Delhi mynta ka sngi.
Katto katne shaphang ka jingim bad ki kam jong iba ioh ia kane ka khusnam, ka kong Silbi Passah, ka dei kaba shong ba sah ha Riatsamthiah, Shillong, Meghalaya, bad ka dei ka nonghikai Hindi ba la shongthait.
Kala dei ka riew shemphang hapoh ka Sarva Shiksha Abhiyan (SSA) bad ha ka ophis jogn ka Directorate of Educational Research ba d Training bad ka nongsaindur ba la pawnam.
Kala ai jingiarap ruh ia ka SCERT, DERT, ha kaba iadei bad ka jingai jinghikai ia ki nonghikai ha ki kam Saindur, kam Acting, kam Shad bad kam Rwai. Ka jingtbit jong i ka long ha ka kam socially useful, productive work (SUPW) bad ka put ka tem. I don ruh ia ka Institute of Khasi Jaintia Folk songs and Traditional Musical Instruments.
La khaia ia ka kongPassah ha ka 3 tarik u Lber, 1952 bad i la pyndep ia ka Bachelor in Hindi (Kovid) bad shimti ia ka kam kum i nonghikaihindi ha ka Khasi Jaintia National Government Upper Primary School, Mawkhar Shillong ha u snem 1982.
Ban kyntiew ia ka ktien Hindi, i la iashim bynta ha ka Radio Programme, “Hindi Lesson”, ba la pynmih da ka All India Radio Shillong (AIRS). Kumta, ha u snem 2005, la phah ia i sha ka Central Institute of Hindi (Agra) ban pynkhreh ia ka Hindi- Khasi Contrastive Grammar.
Ka kong Passah ka dei iba kyntiew bha ia ka put ka tem bad ka deiriti ha ka jylla. Lyngba ka tnat art and culture ha ka jingiatreilang bad ka (NEZCC) North East Zone Cultural Centre, ka kong Passah bad ka kynhun jong i ki la ioh shibun ki lad ban iashim bynta ha ki tamasa bapher bapher ba la pynlong da ki zone bapher bapher jong ka ri.
Kiba la pynlong kum ka South Zone Cultural Centre, South West Zone Cultural Central, West Zone bad kiwei kiwei. Ka dei lyngba kine ki rynsan ba i la trei borbah ban pyni ia ka deiriti jong ka Meghalaya.
ka dei ka long kmie Khasi ba nyngkong ban pynmih ia ka Hindi Skit kaba tip kyrteng kum ka “Hindi Bhasha Hamari Rashtra Bhasha Hai” kaba la pynmih ha ka Doordarshan Kendra Shillong. Dang shen, ka kynhun jong i ka la pyni ia ka jingshad tynrai ha ka “AdiShauryaParvParakram ka” 2023.
Kum ka jingithuh ia ka jingtrei jong ka kongPassah bad ka jingtheh jingmut jong i ha ka kam, i la ioh shibun ki khusnam ha ki thup bapher bapher. I la ioh ia ka khusnam District Certificate of Honour na ka Sorkar Jylla 2001, khusnam Seng Khasi, Seng Kmie Honorary Award (2008); khusnam State award (2005); khusnam People’s Choice Award NETV (2005); khusnam National Award for teachers (2006).
Ka khusnam Jeebon Roy Award (2008); khusnam Khasi Jaintia Welfare Award (2009); khusnam International Gold Star Award (Bangkok 2010); khusnam Seng Samla Seng Kmie Honorary Award (2011); khusnam Lady of Hope (Cape Town South Africa) (2012); khusnam U Tirot Sing Award for Art and Literature (Meghalaya 2014); khusnam Youth Affair Award (2019); khusnam 4th Northeast Unsung Heroes red carpet social award (2021) bad khusnam SangeetNatak Academic Award (2021).
