Shillong, Rymphang 15: Baroh ki skul kiba dei peit da ka sorkar kin sdang long skul noh naduh ka sngi nyngkong ban wan, hynrei da ka jingpynduh noh ia ki nonghikai kontrak ki don ki skul ki ban nym don nonghikai.
Haba u SP News Agency u la wad jingtip ha kaba ia dei bad ki skul jong ka sorkar, ki lad khubor ki iathuh ba ki don bun tylli ki skul ki ban nym dong nonghikai namar naduh ki nongpeit ia ka skul bad kum juh ki nonghikai ki dei kiba la shu thung kontrak, kane kan buh ia kito ki shnong ha ka jingeh kaba khraw.
Katkum ki jingtip kiba la ioh la ong ba ki don ki nonghikai khlem da jer kyrteng ia ki shnong, kiba la trei kontrak naduh ki snem 1994 haduh mynta, da kane ka jingpynduh ia ka kam hikai kontrak kan buh ia ka iing ka sem ka jong ki ha ka jingeh kaba khraw namar ba ka por wad kam na ka bynta jong ki kala palat ka rta.
Haba ia dei bad kane ka kam hikai ka sorkar kala pynlong ia ka eksamin MTET hynrei ki jingkylli ki la lait noh bad ia kane ka result haduh mynta ka sngi ka sorkar kam pat lah ban pynbna, kane ka jingpynslem jong ka sorkar kan buh jingeh ia ki skul khamtam sha ki nongkyndong kiba don tang ki nonghikai kontrak.
Ban pynkynmaw ban pynkynmaw ba na ka liang jong u myntri ba dei peit ia ka pule puthi haba kylli da ki lat pathai khubor u long ba ka sorkar kan sa pynbna noh ha kine ki sngi bad ia kiba pass kin thung noh kum ki nonghikai ba pura.
