Shillong, Naiwieng 17: Ka C
oMSO kum shibynta ban ia snohkti lang bad ka North Eastern Federation of Indigenous people(NEFIP) Ka kynhun synroplang jong ki Seng bapher bapher ka Thain Shatei Lam Mihngi ka la rai ban khot pynlong ia ki prokram ia khih ban pyrshah ia ka jingthmu jong ka sorkar National Democratic Alliance ban wanrah biang ia ka Citizenship Amendment Bill 2016 ha kane ka dorbar tlang jong ka parliament ban pynlong Ain.
Ban pyrshah ia kane ka jingleh ka sorkar pdeng, ka CoMSO kaba dei ka bynta jong ka NEFIP kan pynlong ia ka jingiakhih ar sngi lynter da “Stay off the Road Peaceful Protest” ha ka 18 bad 19 tarik mynta u bnai, kane kan sdang naduh ka por 7 baje mynmiet haduh 6 baje mynstep jong ka 18 bad kan beteng biang ha ka 19 tarik ka juh ka por haduh 6 baje mynstep jong ka 20 tarik.
Ka jingthmu ka long ban pynpaw ka jingpyrshah ia ka Sorkar India ba kum ka Jylla bad ka Jaidbynriew Hynniewtrep, ngi pyrshah jur ia ka ban pynlong Ain ia ka CAB, 2016 namar kane ka Ain kan pynduh jait bad pynkylla ritpaid ia ngi ha la ka Ri lajong.
Halor Kane, la kyrpad ia baroh ban sngewbha ban ia snoh kti lang bad ka CoMSO ka kynhun, ban pynlong ia kane ka jingiakhih ba jai jai kaba jop. La kyntu ia phi ba phin nym don shuh ha surok ha ki por ba la buh bad Kane Kan long Kat Kum ka mon ba Laitluid Jong phi.
Lada phi kyrshan ia kane ka jingthmu jong ngi, ngi ngeit shkem phin ia treilang. Kane ka longn katkum ka kyrwoh kaba la phah da u Bah Roykupar Synrem Secretary jong ka CoMSO.
Ha kawei pat ka kyrwoh na ka liang Jong ka NEFIP ka kynhun synrop Lang Jong ki sengbhalang ka North East, ia kaba la mih khmat da ka Confederation of Meghalaya Social Organizations ( CoMSO) na Meghalaya ka la Rai ban pynlong ia ki Jing iakhih pyrshah ia ka CAB ha baroh kawei ka Dong Shatei Lam mihngi ka India .
