Shillong, Lber 05: U N
ongialam ka liang pyrshah hapoh ka iing dorbar thawain ka jylla u Dr Mukul Sangma u la iathuh ba mynta ka sngi u la phah ia ka shithi sha u myntri rangbah ka jylla u Conrad K Sangma ban khot ia ka jingialang jong baroh ki seng sain pyrthei ka “ All Party Meeting”.
U Dr Mukul u la ong ba don kam ia ka jingiatreilang jong baroh ban wad ki lad ki lynti kumno ban wanrah biang ia ka jingsuk ha ka jylla, kumba ka long baroh ki ia don lang ha ka juh ka lieng bad lada ka lieng ka ngam baroh yn ia ngam lang, baroh ki don lang ia ka juh ka jingkit khlieh na ka bynta ban pynioh biang ka jingsuk.
U Nongialam ka liang pyrshah u la kren ia kane ha dien ka jingiakynduh bad ki nongpyniaid ia ki iing basa ha kane ka nongbah Shillong bad ha kane ka jingialang la sngewthuh ba ka jingbym don ia ka jingshong suk kala ktah shibun ia kane jylla baroh kawei, ia mynta ia ka jingduh ym nym lah ban khein namar kane ka ktah ha ki por ban wan.
Haba jubab ia ka jingkylli ha kaba ia dei bad ka Meghalayan Age Festival, ka ban long ha Thadlaskein ha West Jiantia Hills District, u Dr Muku u la ong ba kane ka shong ha ka jingstad ka sorkar ban pyrkhat kumno ban leh ha kaba ia dei bad kane ka tamasa, hynrei kaei kaba jia la jan baroh ki jylla ha ka Ri India kila pynsangeh ia kino kino ki jingialum paidbah na ka daw ba ka jingpang Coronavirus.
