Shillong, Nailur 04: Ka HYC Umiam Circle, hapoh ka jingialam ki Nongialam ka Circle ba kynthup ia u President bad General Secretary ha ryngkat ki dkhot, mynta ka janmiet jong ka 4.9.23 ka lah ioh ban bat ia ki artylli ki kali kata ka Force Traveller bad Sumo.
Ha kine ar tylli ki kali kiba shong da ki bar jylla kumba 25 ngut kiba wan na Assam da ka jingthmu ban leit trei Sha ka karkhana Topcem Cement ha Jaintia Hills bad kiwei kiwei ki jaka jong ka Sor Shillong.
Ha ka jingtohkit jong ki dkhot ka Seng, la lap bad shem ba kine ki briew kim don satia ia ki kot ki sla kiba biang ba kin wanrung bad trei bylla hapoh ka Jylla jong ngi hynrei sngew lyngngoh ba kumno ki lait ban wan iaid lyngba ka Infiltration checkgate kaba don ha Byrnihat, Ri Bhoi District.
Kumta, lah pynphai kylla noh ia kine ki kali ha ryngkat ki briew Sha ki jaka Kiba ki wan da ka jingmaham ruh ba kim hot ban wan khlem ki kot ki sla kiba biang. Na ka liang ka Seng, ngi pynrem jur ia kane ka jingleh jong ki pulit kiba ap ha katei ka Gate bad ki kyntu ia ki ba kidei ban shimkhia bad pyndep hok ia la ka kamram kaba lah bynshet ha ki.
Kane ka jingleh jong ki ka lah pat ban buh jingma ia ka Jaidbynriew, na ka liang ki dkhot ka Seng ngin iai long kiba phikir bad peit pyrman bha bad pynlong ruh ka jingtalasi kaba khah khah khnang ba ngin ioh ban khanglad ia ka jingrung jingmih ki poiei ki poiwir ha kane ka Ri kaba ieid ka jong ngi nangne shakhmat ruh, kane ka logn katkum ka kyrwoh kaba la phah da u bah Shinestar Kharpan President HYC shant Umiam.
