Shillong, Naitung 01: Ka KSU Shillong mihngi haka miet jong ka 30/Jylliew/2026 ka la ioh ka jingtip ba don ki katto katne ki briew ki ba long artatien kiba thiah ha surok ha Saw phorlong ha kaba ka seng ka la leit ban beh krad iaki.
Ka seng ha ka jingjurip bad beh ia kine ki bar jylla ha ka jingkylli bniah kine ki bar jylla ki iathuh ba ki wan shane ka jylla ban bylla hynrei haba pan iaki kot ki sla ki jong ki ba ki dei ne m ki nong India , kim shym la lah satia bad wat ka epic ruh kim don, kane ka la pynartaien ia ka seng ba ioh lehse kine ki briew ki wan ruh da ki jingthmu ba sha lyndet namar kim biang satia ki kot ki sla ba biang.
Ka seng mar mar ki la aiti ia kine ki briew sha ki pulit ban leh ia kaba don kam bad la maham ruh ia ki briew ki ba thmu ban long dalal ia kum kine ki briew. Ka seng kan iai bteng ia kum kine ki jingkhyra ha ki sngi ban wan ha kylleng ka bri u Hynniewtrep.
Ka jingiohrung laitlain ki kiba nabar dei bym don ki ain kiba khlain ban teh lakam ia ka jingrung kyrthlep, ka ILP kaba dei kawei na ki ain kaba pyrkhing hynrei ka sorkar kam shim khia.
Ka MRRSA kaba la long ain naduh 2016 hynrei kum ka seng kam pat iohi ia ka jingtreikam pura ka ba sngewsih ka long ba wat ia ki khyrdop Facilitation centre kaba dei ka bynta jong ka MRSSA 2016 ki thmu pynkylla pynban sha kki dukan ja.
Ka KU ka buh ka jingkylli mano ban shim ka jingkitkhlieh haba wat ki bor jong ka ain ruh kim lah ban pyntikna, na ka liang ka seng kala dep ban phah biang ia ki briew ba ioh bat sha ki jaka ba ki wan.
