Shillong, Jylliew 17: The Meghalaya international Exporters Chamber of Commerce (MIECC) ka dap da ka jingsngewsih ban iohi tang namar bym don “Internet’ jong ka BSNL hapoh Dawki Land Port sah kut lut ki kali kit Mawshun Naduh mynnien ka 16th June 2025. Hadien ka jingplie khang Eid ka Bangladesh.
Kaba sngewphylla ki customs Kim pass bill namar la iaid da ka EDI system ym shah shu ban shna bill da ka Manual systems Kumba ju Leh baroh shikatta. Kaba phylla shuh shuh ka long ba tang da ka Net jong ka BSNL lah ban pyndonkam.
Wat la kiwei ki Network ki long kiba biang hynrei ka custom ka ong ym lah da kiwei pat lait tang BSNL. ka BSNL pat ka long ka bym thikna bad bun kaba thud, haba kumta ym iap mo Kiba rit ba ria ladap ki kali ha port hynrei ym lah ban shna bill namar ym don Net, Kiba pli ki drivers kila Pisa halor ka bym long ka khaii ka pateng halor ki jingeh ba ki ia kynduh.
Na ka liang ka Land Port ki la ia Leh Katba lah ban pynbiang net lyngba ka BSNL hynrei ka juh shi kajuh yn kynnoh ia no? ka BSNL ka ong ba dei ba sniew ki Line ba tih surok artad te aiu kein ka Land Port ka lah ban Leh, ia kaba don Net pat ka Rules ki Custom Kam shah.
Ka MIECC ka sngewtynnad eh ia kata ka EDI systems hynrei haba ym long kita ki Net work. Bad halor ka jingthud ka Khaii pateng balei ym ailad ia ki exporters ban shna bill da ka Manual system haba ym long da ka EDI.
khnang ba ka Khaii pateng Kan nym thud, ne ki Customs ba bat ia kata ka bor kidei ban shim ia ka jingkit khlieh kumno ban shna bill bad pyllait ia ka Export lyngba ka Kad khaii ha Khapud Dawki.
Kumta ngi kyrpad jur ia ki customs bad bor sorkar ba ki dei ban bishar bniah bhai ia Kane ka Kam Export Import lynba ka Dawki Border namar ym tang ma ngi Kiba im na Kane,ka Border hynrei wat ka Sorkar jylla bad Sorkar kmie ruh ki ia ioh jingioh ia ka pisa iapein bar ri lyngba ka ne ka Dawki Border.
Kane kalong katkum ka kyrwoh kaba la phah da ka kong Dolly Khonglah Secretary Meghalaya International Exporters Chamber of Commerce Dawki Land Port West Jaintia Hills Meghalaya.
