Shillong, Nohprah 23: U MLA jong ka 19-Shillong South u bah Sanbor Shullai mynta ka sngi u la pynlong ia ka jingiaid Khristmas Karol kaba la sdang na iing sah jong u na Bishnapur bad pynkut ha Assam Club, ha kane ka jingiaid Karol ki paidbah na baroh ki jaidniam kila ia shim bynta da ka jingshitrehem.
Ha kane ka sngi la plie ruh ia ki ar tylli ki jaka pynittynnad da ka light ban rakhe ia ka kane ka Khristmas ha Jingkieng Harison bad ha jingkieng Red Cross kine ki ar tylli ki long ki jaka ban rung sha katei ka Konstitwensi ban pdiang burom ia ki paidbah ka Khristmas basuk ba kmen bad snem thymmai.
Ha kane ka sngi ki paidbah na ki jaidniam bapher bapher jong ka 19-Shillong South Konstitwensi kila ia shim bynta da kaba iaid lang ban iaid paidbah da kaba tem ia ki jingrai Khristmas ban pynshongshit ha shi lynter ka surok na Bishnapur sha Iewdak ba don ka Assam Club.
Mynta ka snem namar ka sorkar kala shah ban rakhe ia ka Khriatmas la iohi ba ki balang bapher bapher kila pynphuh pynphing ia ki iing mane ban pynitynnad bad ka sorkar ruh kum juh kala itynnad ia ki ophis da kaba pynur ia ki light ba bun rung ban rakhe ia ka Khristmas bad ban pynkhreh ia ka jingpdiang burom ia ka snem thymmai.
