Shillong, Naiwieng 29: Ka KSU kala Pynkup burom da ka Maitshaphrang Award 2020 iaki samla ba wanrah burom ha shnong Lower Lumparing Unit ha ka 28 Tarik mynta u Bnai ka la ioh ban pyllong iaka jingai khusnam ia kaba tip kum ka 1st Maitshaphrang Achiever’s Awards 2020 ha Sports Club, Lower Lumparing.
Ia kane ka Khusnam la sam sha baroh ki khynnah kiba wan shakhmat ha ka eksamin SSLC bad HSSLC. La ioh ruh ban pynkup burom ia 5 ngut ki samla kynthei bad shynrang ki ba la wanrah ia ka nam bad burom ha ka jingialehkai sports ki bapher bapher ki jong ki.
Kine ki long u Pynshai Mawrie U ba la ioh Gold medal ha Kickboxing, ba la pynlong ha Ashgabat Turkmenstan ha u snem 2018, U Banjoplang Ryndem u ba la iashim bynta ha ka All India Open MMA Championship bad la ioh Bronze Medal, ka Ibadarishisha Mukhim ba la shim bynta ha ka Wako India National Kickboxing Federation cup bad Wako India Senior National Kickboxing Championship bad la ioh gold medal.
Ka Evangel Pohplet ba la shim bynta ha ka Wako India National Kickboxing Federation cup (Junior) bad la ioh Gold Medal, I Wansuk Myrthong ba ia shim bynta ha ka 1st North East India Mt. Everest Expedition Team bad kiew ia u Mt. Everest ha u snem 2013.
Hakane ka sngi u Bah Daniel Khyriem, President barim jong ka KSU Sengkmie i la long kum i Kongsan bad I Bah Shemphang L. Mawphlang, Litigation Secretary jong ka KSU Sengkmie ryngkat bad kiwei ki nongialam jong ka KSU Sengkmie bad ki nongialam ka KSU Laban Circle.
Ha kane ka jingialang la synran lang da ki nongialam Shnong jong ka Lower Lumparing ryngkat bad ki Seng Samla bad Seng Kynthei kum shi bynta ban ai mynsiem bad pynshngaiñ lang.
