Shillong, Jylliew 12: U Myntri ba dei peit ia ka tnad ka koit ka khiah jong ka jylla u bah A L Hek u ai ka jingkitbok kitrywiang ia ka kmie kaba la ioh ia ka jingshitom COVID-19 kaba la kha ia u khun shynrang mynta ka sngi ha NEIGHIRMS Hospital.
U Director jong ka tnad ka koit ka khiah u Dr Aman War mynta ka sngi u la pyntip ba ha ka por kumba saw baje ka long kmie kaba la leit ban shah sumar ha NEIGHIRMS Hospital kaba la ioh ruh ia ka jingpang COVID-19 kala kha mynta ka sngi ia u khun shynrang.
U Director ka tnad ka koit ka khiah u la iathuh ba ka kmie bad u khun ki shait ki khlain. Laithuh ba yn sa phah test ia u khunlung ruh ban lap la kane ka jingshitom ka ia bit ne em sha u khun. Ia ka kmie yn sa test ha dien ka 14 sngi bad lada ka long Negative yn sa pynlait noh.
