Shillong, Iaiong 11: Ki nongkhaii na ki dong bapher bapher bad na ki shnong mynta ka sngi kila ia poi sha jaka ieng kali ha khlieh Iewduh por ba pynlait iew mynta ka sngi ban iathied ia ki jhur bad rah sha ki dong ki dong kaba ki buh ia ki dukan shnong.
Ha kane ka jingiadie ia thied ha jaka ieng kali ha khlieh Iewduh ha jaka ieng kali jong ka sorkar, la phahara ruh da ki pulit ban peit ba kan jingiadie ia thied kan long kaba iaid beit iaid ryntih ban nym don kano kano ka jingwit.
Kaei kaba jia ha katei ka iew ka long ba bun ki paidbah kiba wan thied jhur kin shym la pyndon kam ban deng ia ki mask kumba la bthah da ka sorkar, haba leit sha ki jaka paidbah dei ban deng ia ki mask.
Ka tnad ka koit ka khiah kala dei ban pynbna da ki tynghung ha kum kitei ki jaka die lang kaba don ka jingialum paidbah ban ia thied ia pet. Kane ka jingbym deng mask ka dei ka jingleh bym salai ban kohnguh ia ki bor sorkar.
