Shillong, Naiwieng 16: U Kamal Lipon na Khanduli bad u paralok jong u katba ki dang wan na Jalaphat da ka trok Four Wheel kaba don ia u Registration No.ML-04 9814; hynrei haba lapoi ha ka shnong Pasyih, ka lawan kynsan kawei ka maruti car kaba don ia u Regn. No. ML-05 G 4332 kaba la kah lynti bad pynsangeh ia ki, ha kaba ki la dawa pisa, T. 50000 ryngkat bad ka byrngem byrsit, hynrei ki la ai ia ki tang T.3000 na ka daw ba kim don pisa shuh bad kine ki nonglute ruh ki la shim.
Ki bor pulit mar ia ioh jingtip ki la thwet bad ki la ioh ban kem ia kitei ki lai ngut u Shamlang Phawa 21 snem ka rta na Tuber bad u Lucky Rymbai na Moolamnoh ki la shah kem ha ki pulit bad u Shainlang Phawa na Tuber u la lait phet, ha kaba ki laioh kurup noh ia ka Maruti car bad ia ka pisa 3000 kaba ki la ai, iathuh ka tyllong khubor jong ki pulit bad mynta ki don hapoh along jong ki pulit kiba dang tohkit shuh shuh ioh ki don kti sa kiwei pat ki kam beain.(SP News)
