Shillong, Iaiong 27: Ka sngi seng ha ka (27 tarik Iaiong 2023 ka jingkynmaw burom ia ka lyngkhuh ba 122 jong ka jingwan u Swami Vivekananda sha Shillong, ka sngi seng jong ka Ramakrishna Mission Vivekananda Cultural Centre la pynlong ha ki ar bynta ha ka 27 tarik Iaiong.
La sdang ia ka bynta kaba mynstep ha ka por 10:00 baje da ka jingbuhsyntiew (ha u mot jong u Swami Vivekananda) da u Kongsan u Lat ka jylla Meghalaya, u PhaguChauhan, u symbud kongsan u Swami Achyuteshananda, Secretary, Ramakrishna Mission, Narrotam Nagar, Arunachal Pradesh, bad Swami Hitakamananda, Secretary, Ramakrishna Mission, Shillong.
Ha kane ka sngi ka Rama Krishna Shillong kala air uh ia ka jingpynkurup da ka Vivekananda Award of Excellence kaba long ka khusnam kaba kongsan la ai sha u Bah Sumar Sing Sawian bam kwai ha dwar u blei na ka bynta ka jingnohsynniang kaba khraw jong u sha ka imlang sahlang jong ki Khasi bad ka SangitaDey, ka nonghikai jong kane ka jaka ai jinghikai namar ka jingnohsynniang ba khraw jong ka sha ka Ramakrishna Mission Vivekananda Cultural Centre. La ai khusnam pisa bad ka citation.
Khnang ban lah ban iashim bynta lang baroh ar hajar tam ki samla pule, la pynlong ia ka prokram ha ki ar bynta, kaba mynstep bad ha ka por shiteng sngi. La sdang ia ka jingialang ha auditorium da kaba thang ia i sharak da kiba shah khot sngewbha bad ki heh ki hain, bud pat da ka jingkrenlamphrang na u Swami Hitakamanandaji Maharaj, Secretary Ramakrishna Mission, Shillong, ha kaba u la ai mynsiem ia ki samla ban long ki nongshong shnong kiba don ka jingkitkhlieh jong ka ri lyngba ka pule puthi kaba biang bad ai mynsiem ia ki ban kiewshaphrang ha ka jingim.
Ha ka jingai jingkren jong u, u Lat ka jylla Meghalaya, u PhaguChauhanuba long u kongsan ha ka jingialang u la pyndon burom ia u Swami Vivekananda. U dap da ka jingsngew burom ia u Swami Vivekananda. U la sngewtynnad shisha ban pyrkhat ba u Swamiji u la ai jingkrenna kane kajuh ka jaka ha u snem 1901.
U la kren ruh shaphang ka jingnohsynniang jong u Swamiji sha ka pyrthei. Dei u Swami Vivekananda uba la pyni ba ka bor jong ka jingngeit niam bad jop ia ka mynsiem jong ki briew kylleng ka pyrthei ha ka jingkren jong u ha Chicago.
Ha ka jingai jingkren jong u, u symbud kongsan, Swami Achyuteshanandaji u la kren shaphang ki por ha u snem 1901 ha kane ka nongbah ha kaba ki surok ki long kiba khim bad ym shym la don ka bordingelektrikhynrei u Swami Vivekananda uba dang kham khynnah bad uba dang don ka jingshitom u la wan sha kane ka jaka bad kane ka la ialam sha ka jingseng jong kane ka jaka ai jinghikai kaba la don kti ha ka jingkyrshan ia ki jingdonkam jong kane ka jylla.
U la ong kum ki tnat ba khlain jong u dieng ki donkam ia u thied ubakhlain, kumta ruh ka jingjop jong kane ka jaka ai jinghikai ka shong ha ka nongrim kaba khlain. U la ong ba 67 hajar ngut ki samla pule ki la ioh jinghikai pyntbit na kane ka jaka ai jinghikai.
U kyrmen ia ka lawei kaba bha ha kaba ki nongshong shnong kiba hadien jong ka jylla ki ioh ia ka pule puthi kaba biang, ba kin lah ban jop ia ki jingeh kiba mynta kiba long ka jingpang khuslai jingmut, ka jingsngewsih bad kiwei kiwei ki jingeh ba iadei bad ka bor pyrkhat.
La pyllait ia ka Magazine ha lai tylli ki ktien “Ka Jingshai – The Light Jyoti” Volume:4 issue:1, e-Zine da u Lat ka jylla. La pynkup burom ruh ia katto katne ngut ki briew ba synniang sha ka magazine ba kynthup ia ki nongsaindur ba pawnam jong ka jylla kum u Bah Rafael Warjri, Prof. Streamlet Dkhar, Dr.Silbi Passah.
La pynkup burom ruh ia ki nonghikai kiba mynta bad kiba rim jong ka jaka ai jinghikai ha kane ka jingialang. Hadien kine ki jingialang la pynbud pat da ki prokram tynrai ba iadei bad ka deiriti jong ka ri, khamtam jong ka thain shateilammihngi jong ka ri. Kumba 1800 ngut ki samla pule ki la iashim bynta ha ka jingialang.
