Shillong, Rymphang 16: Ha dien shiphew snem ba la sangeh ban pynlong ia ka Meghalaya Games la shai ka sngi yn sdang biang ia ka jingialehkai ha Polo ia kaba la tip kum ka “Meghalaya Games 2019-20”. Ki nongwan ia shim bynta ha kane ka jingialehkai na kylleng ki District kila poi mynta ka sngi.
Ha kane ka sngi sdang jong ka Meghalaya ki jingialehkai kiba yn sa pynlong la shai ka sngi kin long ha ki phra tylli ki jingialehkai na ki 14 tylli kiba la bun ban ia lehkai ha kane ka Meghalaya Games 2019-20. Ia kane ka jingialehkai yn plie da u myntri rangbah ka jylla u Conrad K Sangma ha ka jingiadon lang u myntri kam ialehkai u Bah Banteidor Lyngdoh.
U Bah Ian Khongmen wei na ki nongkit kam jong ka MSOA u la kyrapad ia ki paidbah ba kin ia wan ban sakhi lang ia kane ka jingialang ban pynshongshit, la ong ba kan nym don kano kano ka bai rung ha kane ka jingwan peitkai.
