Shillong, Jylliew 25: Ka National Survey kaba la kren shaphang ka jingkiew bad jingpyn donkam iaki kynja jingdih pyn buaid ha India ha u 2019, kala pyni ba kala ktah haduh 6.34 persen ka jingbun ki briew ha ka jylla Meghalaya katba kiba dih iaka kyiad kala ktah haduh 34 persen. Baroh kyllum, ka jingkyrni jur kala poi sha ka 0.75 persen kiba dih drok bad 0.9 persen kiba dih kyiad.Ka jingkyrni dih drok kala ktah iaki riew shimet, ki longiing longsem bad ka imlang ka sahlang. Ka lam sha ka jingeh ha ka met ka bor pyrkhat, ka jingia Nia ha iing ha sem, ka jingduh kam duh jam, ka jingkyrduh pisa, ka jingma na ka jingjia aksiden bad ka jingiap kloi. Katba lada ioh kloi ban sumar, jingiada bad ioh jingkyrshan na ka imlang ka sahlang ka long kaba donkam na ka bynta ban duna ka jingma bad ioh jingkoit kloi.
Ha ka jing rakhe iaka International Day pyrshah ia u drok bad khaii beain ia u drok mynta u snem, ngi kular ban lait na ka jingpyn donkam ia u drok, ka jingkyrshan bad pynbit pynbiang kiba la shong nongrim ha ka jingshemphang bad ka jingiarap iaki briew bad ki longing kiba shah ktah ha ka jingdih pynbuaid. Ngi sngewthuh ba ka jingiada, ka jingnohkytiang ha ka por ba dang kloi, ka jingsumar, bad ka jingkyrshan na ka imlang sahlang ki long kiba kordeh ban tei ia ki imlang sahlang kiba koit khiah bad kiba lait na ki jingdih pynbuaid.
Ka SAN-KER kala iashim bynta ha katei ka jingtrei shitom kaba la rakhe ha kylleng ka pyrthei da kaba pynlong iaki prokram bapher bapher ha kine ki lai sngi.
Ha ka 25 tarik Jylliew 2026, la pynlong iaka prokram ha ka jingiatreilang ka Army Wives Welfare Association, HQ 101 Area, na ka bynta ban pyn husiar ban pynduna iaka jingniewbein, khnang ban pynkiew iaka jingsumar bad ka jingioh biang ka met. Ka bynta jong ka longing ka long kaba donkam shi katdei ha man la ki kyrdan namar ka jingkyrni ha ka jingdih ka dei ka jingpang kaba ym niew briew bad kaba lah ban jia ia u/ka baroh.
Ha ka 26 tarik, yn pynlong iaka prokram ban pyni ia,ka sap bad ka bor ki briew kiba la shah shkor ha ki jingdih, bad ban iatai nia lem bad ki dkhot ka longing halor ki jingeh ba kyrpang jong u/ka briew marwei bad ki lad ki lynti ban pynduna ia kine ki jingeh.
Ha ka 27 tarik, la pynlong iaka prokram Ia kiba khlain bad kiba la ioh pat ka met kaba khiah, yn ioh ka jingkren halor ka thma jong une u snem bad ka jingpynpaw iaka jingshisha da kiba la ioh ka jingkylla. Ban pynpaw ka jingngeit skhem bad ka jingkut jingmut jong ki ban iaineh ha ka jingkhih kynroi, yn pynkup burom ia 31 ngut kiba la pyndep palat 1,000 sngi ka jingsuk na ki jingdih pynbuaid. Ka jingiaid kiew kali kyllain da ki nongniah kiba hapoh ka lama ‘Café Racers of Shillong’ ha ka por 10 baje mynstep la pynkhreh ban pynbeit iaka jingtip jong ka imlang sahlang.
Ngi la pynmih kane ka press release mynta khnang ba lada don kino kino kiba don jingmut, ki lah ban iasnohkti lang, ioh jinghikai, sam bad phah iaka ktien jong ka jingkyrmen na ka bynta ki briew kiba kyrni doh drok.
