Ha ka sien kaba nyngkong ia kynduh ka MC jong ka NEAKO ha Guwahati

Shillong, Naitung 03: Ka 1^st Managing Committee jong Ka North East Association of Kickboxing Organizations (NEAKO) ka la long ha ka 2 tarik ‘Naitung 2014 ha ka Conference Hall, Assam Olympic Association Guwahati ka la pynlong ka jingsngapjar ba ar minit na ka bynta ka mynsiem ba la khlad noh dang shen jong u Gurcharan Singh Vice President National Kickboxing Federation of India (NKFI).

U Bah Donny Ranee bad u Umakanta Singh na Meghalaya bad Manipur ki la shah jied kum Chairman bad Vice Chairman na ka bynta ban pynlong ia ka 1^st All India University Kickboxing Championship ha Guwahati ha u bnai October mynta u snem. U Bah Ranee mynta u dang bat kum U Vice President jong ka National Kickboxing Federation of India (NKFI) bad U Umakanata Singh u dei u Working President NEAKO. Shuh shuh na ka bynta ka 1^st North East Kickboxing Championship 2014, ka NEAKO ka la rai ban pynlong ha ka taiew kaba ar u ‘Nai Nohprah 2014 ha Shillong hapoh ka jingpyniaid ka Meghalaya Association of Kickboxing Organizations.

Ka jingialang ka la rai ruh ban kyrshan bad ai jingiarap pisa ia ki nongialehkai kickboxing kiba la kham rim ha ki jylla shatei lam mihngi. La rai ban leit ia kynduh ia U Sarbananda Sonowal, MP na Assam uba long mynta Hon’ble Union Minister of Youth Affairs & Sports na ka bynta ban ioh ia kren ia ka rukom kyrshan pisa, kumno ban kyntiew bad pyniaid shaphrang bad ban shna ki jingdonkam ha kane ka jingialehkai martial arts Kickbxing, hangne ha ki jylla shatei lammihngi.(SP News)