Bhoirymbong, Naitung 30: U bah George B Lyngdoh MLA jong ka Umroi Konstitwensi mynta ka sngi u la plie ia ka jaka buh tiar ka kynhun iatreilang jong ka seng kyntthei hapoh jong ka shnong Lumshohping, ha Bhoirymbong.
Kane ka jinglah ban seng ia kitei ki kynhun ia treilang ka kren shai ba ki paidbah ki kwah ban kyntiew ia ka ioh ka kot jong ki ha ki shnong ki thaw bad ba kin ioh ka lat ban kyrshan ia ka iing ka sem jong ki.
Kane ka jingplie ia kane ka jaka buh tiar jong ka seng kynthei hapoh jong ka shnong Lumsohping mynta ka sngi ka dei ka jingiatreilang jong ki ha kaba ki la lah ban thied ia ki jingdon kam hynrei kim don ia ka jaka buh, da ka jingnoh syniang lang na ka liang jong u kum u MLA la lah ban pynurlong ban pynioh ia ka jaka buh tiar.
Kane ka long ban pynthikna ba ia ki riew kynthei dei ban ai ka jingkyrshan da kiba bun ki lat jingiarap ba kyntiew ia ka ioh ka kot da kaba shna ia ki jingtie kiba don kam, ha ka juh ka por ban hikai ia ki ban kin ioh shibun ki jingtip.
Kane ka jingplie ia kane ka jaka buh tiar mynta ka sngi ka dei kawei na kita ki lat ki lynti ban iarap ban kyntiew bad ban ai bor ia ki long kmie da ka jingiatreilang jong ki bad ka jingkyrshan lang kum u MLA jong ki, ia kaba la lah ban plie mynta ka sngi ha shnong Lumsohping.
Ha kane ka sngi ki dkhot jong ka seng iatreilang hapoh katei ka shnong kila ia don lang ban sakhi iakane ka sngi ha ka jingiadon lang ki riew rangbah ki long kmie ha kane ka sngi na katei ka shnong.
