Shillong, Nailar 21: Ka Khasi Students’ Union (KSU) Laitkor Unit mynta ka sngi ka lah ïoh ban plie ïaka jaka saitjaiñ ïa kaba la tei sngewbha da ka Seng naka bynta ki nongshong shnong jong ka Laitkor khnang ban pynsuk ïaki paid nongshong shnong jong ka shnong hi baroh kawei.
Ha kane ka sngi kala don ka jingïalang hashwa ban plie ïa kane ka jaka saitjaiñ ïa kaba la pynïaid ïaka jingïalang da u Samla Fernando Nongkhlaw uba dei u General Secretary ka KSU Laitkor Unit bad lah ai ïaki kyntien pdiang sngewbha da u Samla Kyrmenlang Mawrie uba dei u President ka KSU Laitkor Unit.
U Kongsan ha kane ka sngi la wan da u Samla Lambokstarwell Marngar President ka KSU Sengkmie bad u Symbud Kongsan da u samla Fredrick Kharmawphlang Vice – President barim ka KSU Sengkmie ha ka jingiadon lang kiwei ki shnat jong ka seng na katei ka thain.
Haba ai jingkren ha kane ka sngi u Samla Lambokstarwell Marngar u lah ïaroh ïaka Shnong Laitkor ba kala pyrkhing bha ïaki jingrung jingmih bad jingshong Shnong jong ki bar jylla haka Shnong jong ki .
U lah ïaroh ruh ïaka KSU Laitkor Unit kaba la ban noh synñiang sha ka Shnong ka thaw khamtam ïaka jaka saitjaiñ kaba long ka jingmyntoi ïa u Paid nongshong shnong jong ka Shnong Laitkor hi baroh kawei.
U Samla Rangbah u la ong shuh shuh ba ka jingtngit jong ka jaiñ lane ka met hap ban sait da ka um ïa ki hynrei ïaka jingtngit jong ka Jaidbynriew ngin hap ban iada ia ka jaidbynriew bad ïa kane ki samla ka Jaidbynriew hi kin shim ïa kane ka rai Rangbah bad daba kut jingmut ha lade.
