Shillong, Nailur 23: Khyndiat sngi hadien ba u Chief Executive Member ka Khasi Hills Autonomous District Council u bah Pyniaid Sing Syiem u la leit bad ïalam hi da lade ban leit khang tala ïa 46 tylli ki dukan bar jylla ha ka them Ri Bhoi.
Ha dien kane ka jingleit khang ki trai dukan jong ki 46 tylli ki trai dukan kila wan mih sha ophis ban pynbiang ia ki kot ki sla kiba ia dei bad ki kam khaii ba dei ki bar jylla.
Kum ban shu kdew ba kitei ki 46 tylli ki dukan kidei jong ki bar jylla kiba plie beaiñ ïa ki dukan ha ka thain 13 mer haduh Byrnihat kidei kiba ym shym la don satia ïa ka trading license napoh ka ophis jong ka KHADC.
Haba ia kren bad u bah Pyniaid Sing Syiem uba dei u Chief Executive Member ka KHADC u la iathuh ba hadien khyndiat jong ka jingshah khang khyrdep jong kitei ki dukan.
Kane ka jingkhang ka long ha ka 21 tarik mynta u bnai kitei ki trai dukan kiba don kumba 15 ngut tam kila wan mih sha ka ophis jong ka KHADC da kaba kila pynpaw ruh ba kila sngewthuh ia la ka jong ka jingbakla.
Ki trai dukan kila la wan sha ophis kila pynsngew ba kila sngewthuh ia ka jingbakla bad kwah ban iaid noh katkum ka lynti jong ka ain kumba la btah da ka KHADC la pynpaw kitei ki tari jaka sha ki bor khmih jong ka Counci.
Ha kawei pat ka liang halor ka jinglap jong ka jingleit ban khynra trading licence ha ka thain Bimola, ha kaba la shem ba don ki thei Khasi kiba kam trai ia ki mar jong ki bar jylla u Bah Pyniaid u la pyntip ba ia kane ka kam u la aiti sha u Executive Member jong ka Trade lem bad ki ophisar ban phah da ka show cause sha baroh.
U Bah Pyniaid u la ong ba u la bthah ia ki ophisar ba kidei ban ai da ka show cause sha baroh naduh na Bimola shaduh Umsohsun bad la phah ruh ia ki ophisar ba kin leit ban tohkit khamtam eh na ka bynta kito ki dukan ba ki thei Khasi ki iarap ia ki bar jylla.
