Ka jingdawa haduh ban ioh ia ka Eastern WKH District ban plie mynta ka sngi kala iaid 45 snem

Shillong, Naiwieng 10: U Myntri Rangbah ka jylla u Conrad K Sangma u la plie ia ka Eastern West Khasi Hills District ha Mairang bad kane ka dei ka District kaba 12 hapoh ka jylla Meghalaya, ka jingdawa ban ioh ia ne ka District kala long naduh u snem 1976 por ba ioh ia ka Mariang Civil Sub Division kaba la iaid mynta 45 snem lynter.

Haba kren ha kane ka jingialang paidbah u myntri rangbah ka jylla u la ong ba ka jingplie ia kane ka District kaba thymmai mynta ka sngi ka long ba kane ka sorkar MDA mynta ka buh ia ki paidbah ha khmat khlem don kano kano ka jingpyniapher jaidbynriew ne ka jingiapher niam.

Ka rai jong ka sorkar ban plie ia kane ka District kaba thymmai mynta ka sngi ka long ba ka sorkar ka kwah ban rah ia ki jingtrei kam ka sorkar khamjan sha ki paidbah, la ong ba kane ka sorkar MDA ka ialeh ban pynurlong ia kaei kaba ki paidbah ki don kam bad ka sorkar kala pyrshang ban ia leh ia kaba bha tam ban kyntiew ia ka jylla sha jrong.

U Myntri Rangbah u la ong ba ka jingplie kane ka District kaba mynta ka long katkum ka jingdon kam, u la kylli katno ngut kiba la peit ia ka Satistik bad kumba ka paw ka long ba ka West Khasi Hills District ka dei ka District kaba sah dien tam.

La ong ba kane ka jingsah dien ka long ha ka liang jong ki jingtei ia ki surok, ki ophis sorkar, ki jaka pule, ka jingkamai jong ki briew, da ka jingsngewkhia kaba khraw ban iathuh ba ka West Khasi Hills District ka dei kaba sah dien la bun bun snem, kane ka jingsah dien ka dei namar ki kam pynroi kam poi sha ki nongkyndong.

Haba jer kyrteng ia kane ka District, la ong ba ka suk ban kynthoh, hynrei kaba kongsan ka long ba pyni ia ki kam bad kane ka sorkar ka don ban trei na ka bynta jong ki paidbah bad ka jingai kyrteng ka long ba kan don ka jingiadei bad ka West Khasi Hills dei na kane ka daw ba ka dei ban don ka jingiadei, dei na kane ka daw bala ai Eastern West Khasi Hills District namar ba ka don ha mih ngi jong ka West Khasi Hills District.

La ong ba ka jingthaw ia kane ka sorkar MDA ka dei ka sian dur ba na jrong, kumta dei ban ia trei na ka bynta u paidbah ym  ban ia ia shrut hynrei ban peit ban trei na ka bynta ki paidbah ka jylla wat hapdeng ki jingeh, la ka long kum ki kam khappud, la kadei ka them metor hynrei ym dei ban riej ban leh ia kaba dei, kam mut ba ka sorkar kam bakla ki don byn ki jingbakla hynrei ka jingthmu ka long kaba beit.

Ka jingjop kam dei haba plie ia ka District hyrnei ka jingjop ka long kaba lah ban ai ka jingshakri sha ki paidbah bad na ka liang jong u myntri rangbah u la ong ba dei ban ia treilang baroh ban pynlong ia ka jingtrei kam ka sorkar kaba jop, la ong u myntri rangbah.

Kiwei kiba la kren ha kane ka jingialang ki long u bah Metbah Lyngdoh Speaker jong ka iing dorbar thawain ka jylla ha kaba u la ong ba dei ha kum kane ka sngi 10th Naiweng 1976 ba ioh ia ka Mairang Civil Sub Division ba la sdang ia ka jingdawa ia ka District kaba la iaid mynta 45 snem.

U la ai khublei ia baroh ki nongialeh, na duh u bah Fuller Lyngdoh MLA barim, bah Kitdor Syiem MLA kine baroh ar ngut bam kwai ha dwar u blei, u bah Rasor Rani, bah Boldness L Nongum bad kiwei kwei kiba la ialeh ban pynioh ia kane ka District ka burom ka leit sha ki baroh.

Kiwei kbia la kren ki long u bah Brolding Nongsiej , bah Sniawbhalang Dhar baroh ar ngut ki myntri sorkar, ka kong R V Suchiang Chief  secretary, ia ka jingpynbna la pule  da u bah M R Synrem Secretary bad aiti ia ka jingpynbna ka sorkar sha u Deputy Commissioner  ba nyngkong u bah Wilfred Nongsiej.

Ha kane ka sngi la don lang ki myntri sorkar, ki MLA, ki MDC ki ophisar, ki sordar shnong bad bala pynphuh pynphiang ia kane ha kaba da ki phew hajar ngut ki riew paidbah kila ia wan ban sakhi lang ia ka jingplie kane ka District kaba thymmai mynta ka sngi ha Mairang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet