Shillong, Nailar 23: Halor ka shithi kaba la phah da ki briew kiba kiba la leit ban buh ophis jong kawei na ki kot khubor khasi kaba khlem don ba soi kyrteng, ki pulit kila leit ban wat ia ki lai tylli ki suloi mynta ka sngi ha Wahumkrah ia kaba la ioh ia ki na katei ka jaka baroh lai tylli.
Ki pulit jong ka East Khasi Hills mytna ka sngi kila leit ban wat ia suloi na katei ka jaka ha jingkieng Jaiaw Umpohliew kaba pyniasoh bad ka Mawlai bad ha kane ka jingwat tang hapoh shi kynta ba ki la wat ki pulit kila ioh baroh lai tylli ki INSAS Riffle na katei ka juh ka jaka.
Na ka liang jong ki pulit kila pynpaw ia ka jingsngewnguh ia ka Mawlai Town Dorbar bad ia ka Jaiaw Laitdom kiba la ai ia ka jingiatreilang bad ki pulit ha ka jingwat ia kitei ki suloi kiba la shah knieh na ki pulit ha ki briew kiba ym lah ban tip ha ka 15/8/2021 ha ka sngi tep ia u bah Cheris.
Ha katei ka sngi ki briew kiba ym lah ban tip kila rah ia kitei ki lai tylli ki suloi bad ia ka kali na Mawkynroh Umshing, ia ka kali kila thang ha Jaiaw Pdeng, katba ia ki suloi ym lah ban tip naduh katei ka sngi haduh ban da ioh ia ka shithi ba la pyntip ia ka jaka bret ia kitei ki lai tylli ki suloi.
U Mytnri rangbah ka jylla u Cornad K Sangma u la kyrpad ia kito kiba rah ia ki suloi ba kin pyntip haei ki buh lane ki bret bad ka sorkar kam kwah ban tip ia ki kyrteng jong ki hynrei ka don tang tang ia ki suloi, ha dien kane ka jingkyrpad tang hapdeng lai sngi la ioh ia ka shithi ba pyntip ia ka jaka bret ia ki suloi ia kaba la lap mynta ka sngi.
