Shillong, Jymmang 27: U Deputy Commissioner ka West Jaintia Hills District u Bah B S Sohliya mynta ka sngi u la pynmih ia ka hukum ban bthah ia baroh ki skul kiba hap hapoh jong ka West Jaintia Hills District kin khang la shai ka sngi na ka daw jong ka jingbeh ka lyer “REMAL”.
La pynmih ia kane ka hukum ban khang ia ki skul la shai ka sngi ka long ban pynthikna ba ki khynnah skul bad ki nonghikai kin ioh ia ka jing shngian ban lait na kino kino ki jingjia kaba sngewsih. Kane ka jingkhang ki skul kan long ia baroh ki skul, ki skul sorkar bad ki skul jong ki riew shimet ruh kum juh.
La bthah ia baroh ki nongpyniaid ia ki skul ba kin peit ba ki jingkhang jong ki skul kin khang bha ban peit ba kin nym don kano kano ka jingwit ba kin long ka jingma ha kane ka jingbeh kyrrthep ka lyer langthari, ia ki kot ki sla kiba don bad ia ki kor computer dei ban buh ha ki jaka ba shngian.
La bthah ia baroh ki nongpyniaid skul ba kin pyntip ia kane sha kaiba ha iing ha sem ki kmie ki kpa katba katba ioh lat ba la shai ka sngi la bthah ia baroh ki skul ban khang, kane ka long ban pynthikna ba ki khynnah kin ioh ia ka jingshngian.
U Deputy Commissioner la pyntip ba lada don kano kano ka jingjia kin pyntip sha ka District Operation Emergency Centre 1077 bad sha ka District Disasters Management officer 7005677614. La bthah ia baroh ban bud ryntih ia kane ka jingbthah la ong u DC ka WJH District ba B S Sohliya.
