Shillong, Nailar 17: Mynta ka sngi u myntri rangbah ka jylla u Conrad K Sangma u la khot ia ka jingialang ka kynhun ki myntri sorkar ban peit bniah ia ka jinglong jingman ka shong suk shongsain ha kane ka nongbah Shillong.
Haba kren ha ki lat pathai khubor u myntri rangbah ka jylla u Conrad K Sangma ha dine ka jingialang la ong ba ka sorkar kala shim ia ka rai ban pynlait ia kane ka jingkhang dam la shai ka sngi phra kynta kata naduh ka por 6.00 baje mynstep haduh ka por 4.00 baje jan miet hapoh kane ka nongbah Shillong.
Kane jingpynlait ia ka korphiew kan long ha jan baroh ki bynta jong ka nongbah Shillong hynrei ia ka jingbthah kaba bniah la aiti sha ka Deputy Commissioner ba kan pynbeit ia kaba don kam na ka bynta ka jingpynlait koprphiew la shai ka sngi.
U myntri rangbah ka jylla u la ong ba ka sorkar kala ia kren bad ki rangbah shnong ki seng samla ki nongkit kam balang bad ka sorkar ka kyrpad ban wanrah biang ia ka jingshong suk ha ka jylla bad kum ba ka long mynta ki paidah ki ai ka jingkyrshan ia ka sorkar ban wanrah ia ka jingshong suk.
Ha kane ka jingialang la rai ruh ba ia ka Mobile Internet yn pynlait noh na haduh ka por 6.00 baje jan leit la shai ka sngi, ha ia ba ia dei bad ka jingphah u myntri kam poh iing ia ka shithi ban pynlait ia u na ka kam, u myntri rangbah u la ong bay m pat shim ia kano kano ka rai.
