Shillong, Kyllalyngkot 11: Ki kmie ki kpa ba ki skul mynta ki don hapdeng ka jinglyngnga lano ban ioh ia ki kot skul khamtam ia ki lai tylli ki subject, ka English, Science bad Mathematic bad ka Social Science kiba ka sorkar kala pdiang ban pyndon kam jong ki kot jong ka NCERT namar bun na ki skul kila sdang ban ia kot naduh ka 15 tarik mynta u bnai sha ki khynnah skul.
U bah M Marbaniang Joint Director jong ka MBOSE ba deipait ia ophis ha Shillong haba kren ha u SP News Agency la ong ba ki kmie ki kpa bad ki skul ki dang lah ban die ia ki kat sha ki khynnah namar kiba bun dei ki juh lait noh lai tylli ki subjek , ka English, Science bad Mathematic kiba dang phah shon ia ki mynta.
Ia ki kot la dep ban ai sha ki kito kiba ioh ia ka kontrak ban shon ia ki kat bad la khmih mynta ba mynta u bnia kila lah ban pyndep bad u ka taiew kaba nyngkong jong u bnai Rymphang la lah ban die ia ki kot sha ki khynnah bad kan nym don ka jingktah namar bun na ki skul kin sdang 15/ Rymphang 2024.
Haba ia dei bad ka subjek Social Science, ia mynta u snem kan dang pyndon kam da ka juh ka kot, kin pyndon kam ia kane ka kot ha u snem 2025, ka daw ka long ba kinnym shim beit ia kaei kaba la thoh, hynrei kan don ka kommittee kaba kyrpang ban peit bniah kino ki bynta ban weng bad yn pynrung ia kibynta jong ka jylla Meghalaya.
Ki jingtip kyllum ha kaba ia dei bad ka jylla Meghalaya kum ki ningialeh laitluid, ki jaka bad ki riti dustur jong ka ki lai tylli ki jaidbynriew kane ka jylla, Khasi Garo bad ki Pnar, ia kane ka bynta katei ka kommitee kan sa peit bniah bha ban pynrung ia ki bynta kiba don ha kane ka jylla Meghalaya.
