Shillong, Kyllalyngkot 07: U lat jong ka jylla u R N Ravi mynta ka sngi u la ia kynduh ia ki riew pawkhmat jong kane ka nongbah Shillong ha Raj Bhavan Shillong ban ia mir jingmut bad ki ha kine ki ar sngi lynter.
Ki kynhun kiba la ia kynduh ia u Lat jong ka jylla ki long ka Khasi Jaintia Presbyterian Synod led by Rev. S.S Majaw. Archdiocese Shillong kaba la ialam da u Phadar John Madur, Sein Raij kaba la ialam da u bah Joining Pde, Seng Khasi la ialam da u bah Donkupar Dkhar, Synjuk Ki Rangbah Shnong bala ialam da u bah R.L Blah, I-CARE Shillong laialam da u bah Toki Blah bad ka Meghalaya Tourism Development Forum ialam da u bah R. G. Lyngdoh.
Ka jingiakren ka long kaba bniah ban sngewthuh ia ki mat jingiakren halor ka rukom jingpyrkhat ha ka jingiakhih ha ki paidbah. Na ka liang jong kitei ki nongialam baroh kila pynpaw ia ka jingsngew ka jong ki bad ki jingangnud bad kaba kongsan tam ka long ban ia ka shong suk shongsain ha ka imlang sahlang.
Baroh ki ningialam ha kane ka jingiakynduh kila pynpaw ba dei ban leh ei ei na ka bynta ban kyntiew ia ka jylla Meghalaya ym na shah ialam bakla ka jingsngew shepting. Na ka liang jong u Lat ka jylla u la ai ka jingkhublei ia ki nongialam baroh kiba ai jingmut kumno ban kyntiew ia ka jylla na ka bynta ka jingbha ki paidbah nongshong shnong ka jylla Meghalaya.
