Shillong, Naiwieng 25: U Myntri Khynnah ka Tnat Micro, Small and Medium Enterprises, uBhanuPratap Singh Vermamynta ka sngi u la ong ba ka Sorkar ka trei da ka mynsiem jong ka jingai jingshakri.
U la ong ia kane ha ka prokram Viksit Bharat SankalpYatraba la pynlong ha ka shnong Laitksehkaba hap hapoh ka Mawryngkneng Block jong ka East Khasi Hills District, Meghalaya.
“U Myntri Rangbah Duh ba shemphang jong ngi u niewkorbha ia ki briew kiba shem jingeh,” la ong u Myntri. U don ka jingsngew jan ia ki briew kiba shem jingeh namar ki jingshem ha ka jingim jong u bad u la ong ba ka Sorkar ka niewkor tam ia ki bad ki don ki sienjam ban pynthikna ba ki ioh ia ki jingshakri ha ki jaka ba ki sah.
U Myntri u la ong ba kane ka thain kam pat juiohiia ka roi ka par kumba la wan ha kine ki khyndai snem ba la dep. U la ong ba ka rukom treikam jong ka Sorkar ka la wanrah ia kane ka jingkylla. U Myntri u la pyntip ruh ba ka Sorkar ka don ka jing thmu ban don ka jingkhuid kaba salonsar ha baroh ki shnong.
Ha ka jingkren shaphang ki jingjop hadien u snem 2014, u Myntri u la ong ba ki connection LPG ki la kiew na ka 50-55% ki shnong sha kumba 100% mynta, baroh mynta ki ioh ia ki dawai tika na ka bynta ki khynnah, ka jingioh ia ka um kor ha iing ka la kiew bun bun shah ha kine ki khyndai snem ba la dep, u la ong.
Ha ka jingbatai shaphang ka nongrim jong ka ‘Viksit Bharat SankalpYatra’ u la ong ba ka hok ha ka imlang sahlang ka wan tang haba ki jingmyntoi na baroh ki skhim Sorkar ki poi sha baroh ha kajuh ka rukom.
Ha kane ka Yatra, ka Sorkar kanleit sha baroh ki shnong jong ka ri ha ka rukom treikam mission mode bad kan pynlong ba baroh kiba shem jingeh kin ioh ia ki jingmyntoi na ki skhim Sorkar, la ong u Myntri.
U Myntri u la ong ba u ngeit ba kan don ka jingpynpoi 100% ki skhim Sorkar bad u la ong ba u ap khmih lynti ia ka sngi ha kaba baroh kiba duk ba suk kin don ki card ban ioh ei ia ki mar bam, ka gas connection na ka skhimUjjwala, ka bording elektrik ha ki iing jong ki, ka um kor, ka Ayushman Card bad ka iing kaba biang.
U Myntri u la kren ruh shaphang ka jing thmu jong u ba baroh ki nongrep bad ki nongbylla kin don hapoh ki skhim bai bam tymmen bad ba ki samla ki iashim bynta ha ka Mudra Yojnaban pynurlongia ki jing thmu jong ki.
“Ka Viksit Bharat SankalpYatrakadei ka jingpynthikna u Narendra Modina ka bynta kiba duk ba suk, kiba shem jingeh, ki longkmie, ki samla bad ki nongrep jong ka India,” u la bynrap.
U Vermau la kren kyrpang shaphang ka PM VishwakarmaYojanabad u la ong ba kane ka skhim ba thymmai ka pyni ba ka Sorkar Pdeng ka ieng skhem na ka bynta ka jingplie lad ia ki sap jong baroh ki briew ha ka jingiaid lynti sha ka India kaba la kiewshaphrang. U la ong ba kane ka skhim kan ai ki atiar jinghikai katkum ka juk mynta sha ki paralokVishwakarma.
U Myntri u la ong ba u ngeit skhem ba ki saw tylli ki AmritStambh jong kaAmritKaalkiba long ka bor jong ki longkmie, ka bor jong ki samla, ka bor jong ki kam rep bad ka bor jong kiba duk ba suk bad kiba pdeng ka ioh ka kot kin ialam lynti ia ka India sha ki kliar kiba thymmai bad kin pynkylla ia ka India sha ka ri kaba la kiewshaphrang.
U Myntri ka Tnat Animal Husbandry and Veterinary jong ka Sorkar Meghalaya, u Bah Alexander LalooHekha ka jingai jingkren jong u, u la ong ba ka Sorkar ka la pyntreikam ia ka Direct Benefit Transfer (DBT) ban weng ia ka jingmushlia ki briew bad ban tehlakam ia ka jingjah pisa da ka jingiarap jong ka teknoloji.
Ki jingkylla ha ka rukom synshar ba la wanrah da u Myntri Rangbah Duh, u Narendra Modikimsahkut tang ha ki kam synsharhynrei ki wanrah ia ki jingseisoh ha ka imlang sahlang bad ka ioh ka kot ruh.
U Bah Hek u la ong ba ki bun bha ki skhim hapoh ka tnat Animal Husbandry and Veterinary bad ka tnat Fisheries kiba ai jingmyntoi ia ki nongrep kum ka Aquaculture Mission, Poultry Mission and Piggery Mission.
U la ong ba ki nongrep ki lah ban shim ia ki skhim bad ki prokram bapher bapherha kaba ka subsidy ka long kaba heh bha. “Ngi ieng skhem na ka bynta ka jingkyntiew ia ka ioh ka kot ha ki jaka nongkyndong,” u la ong.
La don ruh ki prokram ‘Jan Bhagidari’ bapher bapher kum ka jingiathuh ki briew shaphang ki jingshem jong ki shaphang ki skhim Sorkar Pdeng hapoh ka Mere KahaniMeriZubani,.
Ka jingpyntreikam pura ia ki skhim kum ka Ayushman Bharat, JalJeevan Mission, Jan DhanYojana, PM KisanSammanNidhiYojana, ODF Plus status, ka jingpyni ia ka jingpyndonkam iaki drone ha ki kam rep, ki health camp bad kiwei kiwei. Ki nongshong shnong ki la wan shakhmat ban ai jingtip shaphang ki jingshem jong ki haba ki la shim ia ki skhim Sorkar.
Ka Kong BaphiraNongdhar, ka nongrepna ka shnong ka la ong ba ka ju trei kum ka nonghikai ha ka skul shimet hynrei ka la ieh noh ia kane ka kam ha u snem 2009.
Ka la phai sha ka kam rep ban kamaijakpoh. Ka la ioh shibun ki jingmyntoi na ka KrishiVigyan Kendra. Ka la ioh ia ka solar water pump bad ka jinghikai ha ka jingrep tit, ka kam rep ka bym pyndonkam dawai bad ki rukom tehlakam ia ka jingpynjulor ki khniang ia ki mar rep.
Ka dei ka dkhot na ka shnong na ka bynta ka State Seed Production. Ka dei ruh ka nongthungphan kaba la kyntiew kyrteng ialade. Mynta, ka kongNongdharka pyndonkam ia kane ka solar water pump ha ka jaka rep jong ka bad kam pyndonkam ia kiwei kiwei ki lad pynpoi um sha ka jaka rep jong ka.
Ka Kong MarkunMarbohpat ka la ong ba ka la shna ia ka iing jong ka lyngba ka PM Awas Plus Yojanaha u snem mang tyngka 2021-22. Ka la pyndep ia kane ka iing hapoh 95 sngi katkum ki kyndon. Ka la ioh T. 1.3 ban shna ia kane ka iing. Ka don ia ka job card bad ka la ioh palat T. 26,000 lyngba ka MGNREGA ban shna ia kane ka iing.
Ka la ioh ia kane ka T. 1.3 lak ha ki lai tylli ki bynta –T. 52,000 ha ka bynta kaba nyngkong, T. 58,500 ha ka bynta kaba ar bad T. 19,500 ha ka bynta kaba lai. Mynta ka sngewkmenbha ba ka la lah ban shna iing ia ka longiing jong ka bad pynbiang ia ki jingdonkam ha kane ka iing.
Kan sa ioh ruh ia ka um kor lyngba ka JalJeewan Mission. Ka la ioh ruh ia ka tyndong gas lyngba ka PradhanMantriUjjwalaYojanabad shen, ka iing jong ka kan sa biang lut ha baroh ki bynta. La pynbiang ruh ia ka painkhana ha kane ka iing lyngba ka Swachh Bharat Mission.
KaKong MithildaKharumuidkaba dei ka dkhot jong kawei ka Self Help Group kaba tip kum kaMynjurlangka la ong ba ki la ioh jingmyntoi na ka National Rural Livelihood Mission. Ka Mynjurlangka dei kaba pynmih ia u shynrai.
Man ka taiew, ki dkhot jong kane ka kynhun ki thep T 10 ha ka account jong kane ka kynhun. Ki la thied ia u shynrai da kane ka pisa. Ki la ioh ruh ia ka grant kaba T. 15,000 na ka Block.
Kane ka SHG ka pynshlur ruh ia kiwei kiwei ki longkmie ba kin iasnoh kti lang bad ki khnang ba ki ruh kin ioh ia ki jingmyntoi kum ki jinghikai ha ki kam kiba iadei bad ka pisa.
U Myntri u la sam ruh ia ki certificate sha ki nongioh jingmyntoi na ka PMAY-Graminbad PradhanMantriUjjwalaYojana. Ka la don ruh ka drama halor ka phang Dharti Kahe Pukar Ke kaba ai jingbatai shaphang ka rukom rep tynrai, ka jingiada ia ka mariang bad ka koit ka khiah ba la pyni da ki dkhot ka Self Help Group kaba la khring bha ia ki nongshong shnong.
