Shillong, Naitung 02: Haba ia dei bad ka jingshah knieh ka pisa T.80000/- tyngka da kaba shah pynap pistol ha Medipathar ha Meghalaya bad da ka jingiatreilang ki pulit ka jylla Meghalaya bad Assam la ioh ban kem ia ki saw ngut ki nonglute ha khappud.
Ha ka 1/Naitung/2024 u Turti Baumatary na ka shnong Buglamari na Goalpara District Assam kaba hap hapoh ka Dudhnoi la wan ban pyndem ha khmat ki pulit ryngkat kawei ka suloi bad ar tylli ki kili ba pat pyndon kam.
Da ka jingialam lynti jong u Turti, la ioh ban kem ia u paralok jong u ba la shah kynnoh ba ia don kti lang ha ki kam runur u Sahadev Basumatary la ioh ban kem ia u na Assam ba dei na Tikrikilla, ki pulit kila kem ia u Sunil Boro na ka shnong Upper Burgum na Assam katba u Kaltu Rabha lait phet.
Kane ka jingioh kem ia kine ki nonglute kadei halor ka jingjia ha ka 18/Jylliew/ 2024 ha kaba ki saw ngut ki briew kiba ym lah ban tip kiba la wan da ka Scotty kaba don ia u number AS18J-0181 bad ka Bike Pulsar kaba ia ka number AS18 E-7925 kila pynsangeh ia u wei u briew bad kynthet ia ka pisa na ka pla bad knieh ia ki ar tylli mobile.
Ki nongshong shnong jong ka Beldongpara kaba hap ha Goalpara District jong ka jylla Assam kila ioh ban bat ia ka Scotty bad ia ka Bike hynrei ki briew kila ioh ban phet na katei ka jaka, ia ka Scotty bad ia ka Bike la aiti sha ki pulir jong ka Mendipathar ha ka 19/Jylliew/2024 bad ka register ia ka ejahar Case No. 09(06)2024 U/s[1]392 IPC, R/w. Sec. 25(IA)(IB) Arms Act pyrshah ia ki nongleh kam sniew.
Dei ha ka 24/Naitung/2024 ki pulit jong ka jylla Assam kila pyntip ba la ioh kem ia u Sunil Boro 33 snem na Dhupdhara bad kawei ka Scotty kaba don ia u number ASI8J-0181 bala pyndon kam ha ka por ba lute, katba u Kaltu Rabha, Turti Basumatary bad u Sahadev Basumatary kila ioh phet ia kibala ioh kem ha dien bad dang lait phet u wei.
