Shillong, Nailar 25: Mynta ka sngi ki shipai BSF bad ki Pulit ka jylla Meghalaya kila ioh ban bat lai tylli ki trok kiba leit sha Lyngkhat bad kila ioh ban kem ar ngut ki nong India ha khappud bad ka Banglades.
Kine ki lai tylli ki trok ki dei kiba kit shini da ka jingthmu ban phah shallan tuh sha Bangladesh na ki thain Lyngkhat kaba hap ha u pud u sam jong ka East Khasi Hills District, u shini baroh bala ioh kurup na ki lai tylli ki trok kala kot sha ka 74,000 kilo.
Ki BSF kila ioh ban bat ruh ngut ki nong India kiba don hapoh kitei ki kali, haba la kylli ia kitei ki nongniah ia ki trok kim shym la lah ban ai kano kano ka jingpynshai ha kaba ia dei bad ka shini kaba kila kit, kumta ki kila kurup ia ki trok bad kem ia ki briew ruh.
Na ka liang jong ki BSF kila ioh ban kem ia kine ki briew dei na ka jingiatreilang bad ba ki pulit jong ka jylla Meghalaya. Ha dien ba kila pyndep ia ki jingdon kam baroh katkum ki kyndon ain la aiti noh sha ki pulit jong ka Pynursla ba kin lah ia kaba don kam katkum ka ain.
