Shillong, Jymmang 04: Ki shipai BSF kila ioh ban kem san ngut ki khar Bangladesh katba dang thmu ban rung tuh sha India na khappud, ar ngut la ioh ban kem na thain Dangar, lai ngut kiwei pat la ioh ban kem na West Garo Hills District.
Ka jingdon jong ki BSF ha khappud ka long ban pahara ha khappud ban pynthikmna ba kan nym don ka jingioh rung tuh ki kahr Bangladesh sha India na kine ki khappud ka jylla Meghalaya, ki BSF ki long kiba peitngor ban iada ia u pud u sam.
Ki ar ngut ki khar Bangladesh kiba la kem na thain Dangar ki dei na ka Sunamganj District jong ka Ri Bangladesh bad kine ki briew kila phla ba kila wan rung sha India ban wan wat bylla, ia kine ki ar ngut ki BSF kila aito sha ki pulit ka jylla kiba don ha Dangar ban leh ia kaba don kam katkum ka ain.
Katba lai ngut kiwei pat la ioh kem da ki shipai BSF na West Garo Hills District bad kila phla ba ki mut ban leit sha Ahmedabad, Gujarat ba leit trei ha ki karkhana thain jain kine ki dei na Pabna, Sherpur bad Kishoreganj District jong ka Ri Bangladesh, kine kila ioh rung sha India lyngba ka Mahendraganj ia ki la aiti sha ki pulit ka Mahendraganj ban leh ia kaba don kam.
Kane ka jingioh kem ki BSF ia ki khar Bangladesh ka kren shai ba ki BSF ki kwah ban iaid ia ki khappud bad ha ka juh ka por ka long ba ki long kiba peitngor bha ban pynthikna ba ki khar Bangladesh kimdei ban ioh rung sha India.
