Shillong, Naitung 31: Ki shipai BSF kiba ap pahara ha khappud bad ka Bangladesh mynta ka sngi kila ioh ban kem 6 ngut ki briew kiba dei ki nong India, ioh kurup saw tylli ki kali Bolero Pickup bad 69 tylli ki Masi ha khappud India Bangladesh ha West Garo Hills District.
Ka kynhun shipai BSF na ka 100- Bn ha ka jingiatreilang bad ki pulit ka jylla Meghalaya kila ioh ban kurup haduh 69 tylli ki masi na khappud bad ka Bangladesh na ka shnong Dalu kine ki masi la kit sha khappud da ka jingthmu ban phah sha Bangladesh.
Ha dien ba la pyndep ia ki jngdon kam ki shipai BSF kila aiti sha ki bor pulit kiba don ha Dalu ban leh ia kaba don kam katkum ka ain ki 6 ngut ki nong India bad kum juh ia ki masi bad ha ja juh ka por ka long ba kin dang pynlong shuh shuh ia ka jingtohkit pyrshah ia kitei ki briew.
Ki BSF kiba don ha khappud jong ka jylla Meghalaya ki long kiba peitngor ban pynthikna ba ka jingiakhaii beain kan nym ioh lat ban saphriang bad ki ialeh ban khanglad ia ki jingiakhaii beain ha ka jingiatrei ryngkat ryngkat bad ki bor jong ka jylla.
