Ampati, Naitung 7: U Klingson D. Marak, uba duna dkhot ha ka bor ban iohi na South West Garo Hills bad u dkhot jong ka Indian National Blind Football Team, uba la tip kum u “Blind Messi of India,” u la iohpdiang iaka phorm pynrung kyrteng ne ka Enumeration Form (EF) hynnin ka sngi kum shi bynta jong ka jingwan sam ka Special Intensive Revision (SIR) iaki phorm na ka bynta ki paidbah ba dei hok ban ioh thep vote.
U Klingson, uba la mihkhmat na ka Ri India ha ki katto ki jingia kynjat bol shabar ka ri India bad uba la ai mynsiem ia kiba bun ki samla ialehkai lyngba ki jingioh khusnam jong u, u la iohpdiang iaka Enumeration Form da ki bor ba dei peit iaka elekshon, da kaba pynthikna iaka jingkular ka Election Commission ba man ki nongthep vote ka jylla, kynthup ia kiba duna dkhot met, kila ioh hok ban thep iaka vote.
Ki nongtrei jong ka Special Intensive Revision kila thmu ban pynthikna ba ym dei ban don mano mano kiba dei hok ban ioh thep vote kin dang sahdien bad pynshlur ia baroh ki paidbah ban pyndep bad phah iaki Enumeration Forms jong ki katkum ka por ba la buh.
Ka jingpynthep kaba jop iaki nongialehkai ba pawnam kum u Klingson D. Marak ka pyni iaka jingkut jingmut ka tnad pyniaid elekshon ha South West Garo Hills ban pynkhlain iaka jingiashim bynta jong ki paidbah ha ka nongrim ka demokrat, lyngba ki rukom pynrung kyrtong kiba kdup lang ia baroh.
