Shillong, Naiwieng 09: U bah Bransley D. Nongkynrih u ba dei na ka jaka kilan met Iron House Gym u la wan rah burom ia ka jylla Meghalaya da kaba u la ioh ia ka takma ksiar ha ka jingiakop pyniksah ha kyrdan A ha ka NPC Worldwide Kazakhstan Pro Qualifier 2026, kaba la long ha 7/Naiwieng/2026 ha Almaty ka ri Kazakhstan.
Kane ka jingjop kala dang kyntiew shuh shuh ia ka jingkilamet ha kaba ia dei bad ka jingiakop pyniksah, shuwa kane u bah Bransley ha ka 11/Risaw/2026 u la jo pia kaka jingiakop Sheru Classic NPC Regional North India Championship kabala long ha Chandigarh bad mynta u la jop wat ha ka jingiakop ha ka pyrthei.
Kane ka NPC Worldwide Pro Qualifier kane ka dei ka jaka kaba kito ki briew kiba kwah ban ialeh ban ioh rung sha ka ‘IFBB Professional League Pro Card’ shuwa ba kin poi sha ka jingiakop jong kiba la kham sha jrong kat haduh ban da poi ha ka jingiakhun kaba ha khlieh duh ka Mr. Olympia stage.
Ka jingioh jong u bah Bransley ia ka takma ksiar ka dei ka jingtrei shitom bad ka jingpyntbit ka jong u ia lade bad ban long adakar bad kane kala wanrah burom iaka Iron House Gym ia ka jylla bad ia baroh kane ka kynhun kiba ialehkai ban pynheh ksah.
U bah Bransley u pynpaw ia ka jingsngewnguh kaba kyrpang ia ka Dr. Mrs. M. Ampareen Lyngdoh, ba dei ka MLA , u Syiem ka Hima Mylliem u Paiem Ainam Syiem; kpa jong u bah bad baroh ki dkhot ka Iron House Gym; bad ia baroh kiba la kyrshan ia u kaba la pynlong ba un ioh ka lat ban leit ia khun ia kane ka jingiakop pyniksah sha bar jong ka Ri India.
Kane ka jingjop ka jong u ka dei na ka jingiatreilang da baroh kiba la kyrshan ia u ha kane ka jingleit ka jong u sha katei ka ri, kane ka jingjop kam dei ka burom tang ia u hynrei ka dei ia ka jylla baroh kawei.
