Sohra Risaw 24: U Bah Balajiedkupar Synrem khun jong u Dr Donkupar Roy bam kwai ha dwar u blei kytong jong ka UDP u la jop ia ka ilekshon shiteng samoi na ka 26-Shella Assembly Constituency da 6221 vote pyrshah ia ka Kong Grace Mary Kharpuri kyrtong shimet.
Ia kane ka jingjop la pynbna da u returning officer u Bah L Kynjing SDO jong ka Sohra Civil Sub Division ha dien ba la dep ban niew ia ki vote. Na ka liang jong u SDO u la aiti ia ka syrnot ban pynshisha ia ka jingjop ha kane ka ilekshon shiteng samoi.
U bah Balajied Kupar Synrem UDP u la ioh 12002 vote bad ka Kong Grace Mary Kharpuri Independent kala ioh 5871 vote, u bah Mosjo Rock F Wanswet PDF u la ioh 4327 vote, u bah Batengshai Laitmon Rynga INC u la ioh 1715 vote, bah Jousha Warjri BJP u la ioh 742 vote bad u bah Komen Laitmon Independent u la ioh 444 vote bad kiba la thep ha ka NOTA ki long 188 ngut.
Haba kren ha ki lad pathai khubor ha dien bala jop ia ka ilekshon MLA u bah Balajied u la ong bay n ialeh ban pyndep ia ki kam kiba la sdang jong u kpa jong u u Dr Donkupar Rou bam kwai ha dwar ub lei, ha ka juh ka por u la ai khublei ia ki ar tylli ki seng sain pyrthie ka NPP bad ka HSPDP kiba la leit ban kyrshan ia u ha kane ka ilekshon khamtam ia u myntri rangbah ka jylla u Conrad K Sangma.
Haba ia dei bad ki jingkylli kaba la buh da ki lad pathai khubor u la ong ba ia mynta ka sngi ym pat lah ban jubab ei ei namar ba u dang shu jop ynda u la shimti ia ka kam un sa peit ia kaei kaba don kam eh ban leh na ka bynta ka Konstitwensi.
