Shillong, Lber 19: U myntri ka tnad pule puthi jong ka sorkar jylla u Bah Lahkmen Rymbui haba juab ia ka jingkylli jong u Zenith M Sangma haba ia dei bad ka Skul Managing Kommittee Garobadha jong ka Higher Secondary School, u myntri u la ong ba ka ain Right To Education ka dei tang na ka bynta ki Elementary School.
Haba jubab ia ki jingkylli bynrap jong u MLA, na ka liang jong u myntri u la ong ba ia ka School Managing Committee la pynlong da ka skul bad ki hap ban pyntip sha u DSEO ban ioh ia ka jingmynjur jong ka sorkar, halor ka jingkylli ba dei ban don la ka jong ka SMC ia ki Elementary Education bad ia ka Higher Secondary ka ain kam shym kren shai bad ka shnong ha ka skul ban leh ia kata, na ka liang jong ka sorar kan nym lah ban pynkylla ia ka RTE Act.
Haba ia dei bad ki jingeh kiba katei ka skul ki ia kynduh na ka liang jong u myntri u la ong ba lada ka dei shisha kumba la kren da u MLA hapoh ka iing dorbar ki dei ban aid a ka jingujor pyrshah ia kiba don kti sha ka sorkar.
Haba ia dei bad katei ka skul ia ka SMC la pynlong ha ka 1st Iaiong 2018, kane ka skul ka don ar bynta ka Elementary ka hap hapoh jong ka Deficit bad ka Higher Secondary ka hap hapoh jong ka Adhock, hapoh jong ka SMC ki briew kiba ka sorkar ka thung ki long saw ngut.
