New Delhi, Jylliew 12: Ka jingiashong dorbar kaba nyngkong jong ka iing dorbar ka 18th Lok Sabha kan sdang naduh ka 24 tarik Jylliew haduh 3 tarik Naitung, 2024, ia kane la pyntip da u myntri ba dei peit ia ka tnad Parliamentary affair u Kiren Rijiju.
Ha kane ka dorbar kaba sa sdang ha ka 24 tarik mynta u bnai, ka iing dorbar kan sa ioh ia ka jingbam smai ki MP jong ka Lok Sabha kiba dang shah jied ha ka elelction kaba dang dang shu dep.
Ha kane a dorbar kaba nyngkong yn sa ioh ia ka jingkren na ka President jong ka Ri India ha ka iing dobar kaba thymmai jong ka Lok Sabha bad ha kane ka jingiashong dorbar un jied ia u Lamphang ka iing dorbar.
U Myntri Sorkar Pdeng ba dei khmih ia ka Tnat Parliamentary Affairs, u Kiren Rijiju u la ai jingtip shaphang kane ha ka post ha ka rynsan social media ka ‘X’ (kaba ju tip mynshuwa kum ka twitter).
U Myntri u la pyntip ruh ba ka session ba 264 jong ka iing dorbar thawain Rajya Sabha kan sdang ha ka 27 tarik Jylliew, 2024 bad kan kut ha ka 3 tarik Naitung, 2024.
