Shillong, Jymmang 23: Ka Drug Reduction, Elimination & Action Mission (DREAM), ha ka jingiatreilang bad ka Bosco Integrated Development Society (BIDS) ka la pynlong ia ka prokram pyn husiar halor u drok ha kylleng ka Police Bazar, Iew Mawlong bad ka pynkut ia kane ka prokram mynta ka sngi ha Nongmensong lem bad ka jingiashim bynta jong ki 33 ngut ki samla pule na William Carey University.
Ka DREAM ka pyntylli bad pynheh shikatai ia kane ka thong hikai nongtrei (internship) samla, ban pynlong ia ki kum ki nongialam bad nongkyntiew mynsiem para samla ban iakhun pyrshah ia ka jingdih pynbuaid.
Kane ka prokram ka la paw rong bha namar ka rukom pynshlur bad hikai hapdeng ki samla, ha kaba ki khynnah intern ki la shim khlieh ban pynsngewthuh paidbah da ka rwai, ka put bad ki jinglehkai kiba sngewtynnat.
Da kine ki jingpyni drama, la pynbna ia ka khubor ka jingim kaba lait na ki jingdih pynbuaid da ka rukom kaba sngewtynnat bad kaba iadei bad ka jingim jong ki briew.
Kane batai shai ha kane ka prokram ka long ka jingak drama kaba dei shaphang ka DREAM Calendar. Ha kane ka calendar la don u QR code uba lah ban ai jingtip shaphang ki jaka ba sumar ia kiba ngop ha ki jingdih pyn buaid lem bad ki phone number.
Da kaba pyniasoh ia kane ha ka jinglehkai, ki samla shah hikai ki la lah ym tang ban pynshai paidbah hynrei ban pynshlur bad pynbiang ia ki paidbah da ki lad ki ban iarap ban wad jingiarap haba ki donkam.
Kane ka prokram ka long ka bynta ba kongsan ha kaban pyn kup bor ia ki briew bad ki longiing ba kin ioh jingkyrshan da kane ka lad jingiarap. Ka pyn duna ia ka jingsniew kaba la shah niew beiñ kaba iadei bad ka jing kyrni bad ka jingsumar.
Ka jingpynphriang ia ka khubor ba ka jingiarap ka don bad ka jingkoit jingkhiah ka long kaba lah. Khlem da long kum ki prokram ai jingtip kiba ju pynlong baroh shi katai kiba shu shong ban sngap, ka rukom treikam jong ka DREAM ka pynleit jingmut ha ka jingiashim bynta bad ka jingiatreiang jong ki samla ryngkat ki paralok.
Kane ka thong ka dei ka ba la pynkyntiew bad pynbor ia ki khynnah skul ba kin long ki nongkit dienpyrshah duma hapoh ki skul, ki college, bad ki shnong ki thaw jong ki.
Lyngba kane ka prokram jinghikai treikam, ki samla pule ki dei ban pynlong ia ki projek pyn husiar ha ki skul, college bad ki shnong ki thaw.
Ka pyn shlur ban leh mynleh kum ki nongai jingmut paralok hapoh ka kynhun imlang sahlang jong ki. Kaba la hikai ban pynlong ïa ka jingïaphylliew jingmut kaba plie lad bad kaba shimkhia kloi na ka bynta ki samla. Ka plie ka lad ban
Ka pynlong ia ka jingurlong bad ka jing shaniah ha la ka bor, ka mynsiem ialam, ka sap iakren bad iathir bad ka thong kaba kham shai bad ka jingmut ban pynbha lyngba ka jingiashim bynta bad ka jingiasnoh kti lang ha ka imlang sahlang.
Ka seng DREAM ka ngeit skhem ba ka jingktah na ki paralok ka shim bynta ba kongsan eh ban pynkylla ia ka rukom shongkhia, khamtam eh ha ki samla.
Da kaba ai lad ia ki samla pule ba kin ialam lynti hi ia kine ki prokram pyn husiar, ka pyni ia ka dur kaba khambha bad kaba ktah ia ka rukom pynkiang kaba neh la shislem, ha kaba ka ktien kaba kynjoh sha ki samla ha ka rukom kaba sngewtynnad bad kaba pynshai.
Ka projek DREAM ka la thmu ruh ban pyniar ia kane ka prokram ha ki bnai ban wan da kaba pyn rung shibun ki samla pule ba dang shah hikai, kumta, da kaba pynlong kawei ka kynhun kaba kiew shaphrang kum ki ‘shipai nongiarap pyrshah ia ki jingdih pynbuaid’ kiba dang iai pynbor, kiba pynshlur, bad kiba long ka bor kaba bha hapoh ka imlang sahlang.
Ka jingjop jong kane ka prokram mynta ka sngi ka pyni ia ka jingiatylli bad ka jingtreilang jong ka imlang sahlang, ha kaba ka pyn kynmaw ia ka jingkylla na ki rukom pynshai kiba rim sha ka jingiaid lynti kaba da ialam da ki samla bad ka jingialeh pyrshah ia ka jingsniew bad ka jingpynduh ia ka jingdih pynbuaid.
Ka kynhun DREAM ka dang iai shimti ban pynkhlaiñ ia kine ki jingthmu ha baroh ka jylla, da kaba tei ia ka kynhun kaba skhem jong ki samla ba don ka jingthmu ban ioh ia ka imlang sahlang kaba lait na ki jingdih pynbuaid.
