Shillong, Lber 11: U Myntri ba dei peit ia ka tnad ka koit ka khiah u bah A L Hek haba jubab ia ka jingkylli jong u bah Syntar Klas Sunn MLA, la ong ba ka dei ka jingshisha ba ka East Khasi Hills District ka dei ka District ba bun eh kiba ioh ia ka jingpang bampong.
U Myntri ka koit ka khiah u la pyntip ruh hapoh ka iing dorbar ba kiba bun na ki ioh ia kane ka jingpang bampong ha East Khasi Hills dei na ka jingpyndon kam ia u duma, ki shynrang kiba ioh ia kane ka jingpang na u duma ki long 66.9% bad ki kynthei ki long 43.1%.
Haba ia dei bad ka jaka ai jngsumar ia ka jingpang bampong hapoh jong ka Civil Hospital Shillong, ia kane ka jaka la pyndon kam ban sumar ia kiba shitom COVID- 19 namar la pynkylla ia ka kum ka Corona Care Centre, haduh u snem 2020 kiba ioh ia kane ka jingpang ki long 7014 ngut.
Haba jubab ia ki jingkylli bynrap kiba la buh da u bah Sunn, na ka liang jong u myntri la ong ba ia kiba riew spah la shim da ka pisa ban leh ia ka jingsyang ia kiba shimtom bad na ka bynta kia duk ka sorkar kal sumar ei.
Haba jubab ia kawei pat ka jingkylli bynrap u mytnri ka tnad ka koit ka khiah u la ong ba ka sorkar kam shym la buh ia ka bui ban don ia ka khein ha kaba ia dei bad ki briew kiba ioh ia kane ka jingpang bad ka sorkar dang pynkhreh ban thied ia ka ‘Pet Scanner Machine’.
