Shillong, Kyllalyngkot 08: U Myntri Rangbah ka jylla u Conrad K Sangma mynta ka sngi u la leit ban jngoh ia ka Hotel Court Yard kaba don ha Jail Road kaba la dep ban shna ia ka bad kaba sah mynta ka long sa tang ban plie noh ia ka.
U Myntri Rangbah ka jylla u la ai ka jingiaroh ia ka jingtrei bad kane kan rah ia ka burom ka nongbah Shillong, kane kan long ruh ka jingiarah ia ka burom kane ka thain shatei lam mih ngi baroh kawei.
Kane ka Court Yard ka dei ka Hotel kaba heh tam ha North East baroh kawei, kam dei tang kaba heh tam hynrei ka dei ruh kaba bun tam ki kamra bad shen un sa plie noh ia kane ka Hotel kaba sah mynta ka long tang katto katne ki kam ba pyndep.
U Myntri Rangbah ka jylla u ai khublei ia kane ka kynhun jong ka Court Yard bad khmih lynti ba wat ki nongwan sah ha kane ka Hotel ruh kin ioh ia ka jingshakri kaba kin sngewtynnad ban sah lyngba kane ka Marriott Hotel ba pyniaid iaka.
