Shillong, Jylliew 30: Ka jingbym lah ban pynpoi lut ia ki Kard Rashon sha ki paidbah kiba dei ban ioh dei ba ki briew ki kynriah jaka sah. Dei na kane ka daw ba bun ki sah ha ki ophis sorkar khamtam ha ki Block kiba dei ban sam ia ki sha kiba dei ban iohi ia ki kard.
Haba kren bad u SP News Agency u Bah M Lyngdoh Joint Director ka tnad sam bam jong ka sorkar jylla u la ong ba ia ki Kard Rashon la shon katkum ka khana samri jong u snem 2011. Ban shon ia ki Kard Rashon ka shimpor bad haba ynda la dep haba la phah pat ban sam ia ki la shem ba kito ki briew kila mih noh na ka jaka sah.
Kane ka jingjia ka jia khamtam eh ha ki shnong khappud bad ka jylla Assam, namar ha ka por ba shim ia ka khana samri la leh ha kato ka por ba u briew u don ha kato ka jaka bad ynda la dep don kiba la leit noh sha ki jong ki shnong katba ia ka Kard Rashon la dep ban shon.
Na ka liang jong u myntri ba dei peit ia ka tnad sambam la ai ka jingbethah ba nangne sha khmat ia ka ration dei ban ai tang sha kito kiba don ia ka dur thep vote jong ki, namar lada leh kumba leh ha ki por kiba la dep kan buh jingeh ia ka tnad sam bam namar kim lah ban pynpoi sha kito kiba la rung kyrteng ha ka khana samari.
Na ka liang jong ka tnad sam bam kan nym lah ban leh ei ei, hynrei ka hap ban bud ia ka khana samari jong ka sorkar kaba la juh thoh shisien shiphew snem. La iathuh ba mynta lei ka jingpyntrei na ka bynta ban leh online ia ka kard Rashon kala dang iaid sha khmat na ka bynta ban pyniaid beit ia kane ka kam sam kham rashon.
